- Ашхы адам – халкъ байлыгъы, ашхы джер – джашау байлыгъы.
- Байны къызы баймакъ болса да, юйде къалмаз!
- Ёгюзню мюйюзюнден тутадыла, адамны сёзюнден тутадыла.
- Хатерли къул болур.
- Ашаса, ашамаса да, бёрюню ауузу – къан.
- Узун джолну барсанг, бюгюн келирсе, къысха джолну барсанг, тамбла келирсе.
- Эр сокъур болсун, къатын тилсиз болсун.
- Тюзлюк тас болмайды.
- Азыкълы ат арымаз, къатыны аман джарымаз.
- Мадар болса, къадар болур.
- Ётюрюкчюню шагъаты – къатында.
- Кесине гебен этелмеген, биреуге черен эте эди.
- Тенгинг джокъ эсе – изле, бар эсе – сакъла!
- Джашынгы кесинг юретмесенг, джашау юретир.
- Аз сёлеш, кёб ишле.
- Кёлю джокъну – джолу джокъ.
- Ариу сёз – къылычдан джити.
- Намысы джокъну – дуниясы джокъ.
- Ач да бол, токъ да бол – намысынга бек бол.
- Aдам боллукъ, сыфатындан белгили.
- Артына баргъанны, къатына барма.
- Джашлыкъ этмеген, башлыкъ этмез.
- Аманны тукъумуна къарама, игини тукъумун сорма.
- Таш ата билмеген, башына урур.
- Джигер – джаннга къыйынлыкъ.
- Джогъун бар этген, барын бал этген.
- Таукел тауну аудурур.
- Бал ашаргъа сюе эсенг, чибин ургъаннга тёз.
- Окъугъанны бети джарыкъ.
- Къолунгдан къуймакъ ашатсанг да, атаны борчундан къутулмазса.
- Къызгъанчдан ычхыныр, мухардан ычхынмаз.
- Урунуу – насыбны анасы.
- Айтханы чапыракъдан ётмеген.
- Ашда уялгъан – мухар, ишде уялгъан – хомух.
- Эркиши – от, тиширыу – суу.
- Бети – къучакълар, джюреги – бычакълар.
- Гугурук къычырмаса да, тангны атары къалмаз.
- Акъылсызны джууукъгъа алма, акъыллыны кенгнге салма.
- Ашлыкъны арба юйге келтирир, чана базаргъа элтир.
- Агъач халкъгъа алтынды, иссиликге салкъынды.
- Айтылгъан буйрукъ, сёгюлмез
- Окъуу – билимни ачхычы, окъуу – дунияны бачхычы.
- Кёбге таш атма.
- Иши джокъну, сыйы джокъ.
- Сакъ юйюне сау барыр.
- Ана кёлю – балада, бала кёлю – талада.
- Къарнынг къанлынга кийирир.
- Харам къарнашдан, халал тенг ашхы.
- Аман адам этегингден тутса, кес да къач.
- Иги адам абынса да, джангылмаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72