- Аманнга да, игиге да оноусуз къатышма.
- Ёгюзню мюйюзюнден тутадыла, адамны сёзюнден тутадыла.
- Аджалсыз ёлюм болмаз.
- Билими азны – ауузунда кирит.
- Дууулдаса – бал чибин, къонса – къара чибин.
- Бетинги сатма, малынгы сат.
- Къызгъанчдан ычхыныр, мухардан ычхынмаз.
- Ётюрюк хапар аякъ тюбю бла джюрюйдю.
- Тилде сюек болмаса да, сюек сындырыр.
- Къайтырыкъ эшигинги, къаты уруб чыкъма.
- Аууз сакълагъан – джан сакълар.
- Чакъырылмагъан джерге барма, чакъырылгъан джерден къалма.
- Артына баргъанны, къатына барма.
- Билим къая тешер.
- Ач да бол, токъ да бол – намысынга бек бол.
- Тил бла келеди джыр да.
- Терслик кетер, тюзлюк джетер.
- Эринчекни аурууу – кёб.
- Тилсиз миллет джокъ болур.
- Джолунга кёре – джюрюшюнг, джагъанга кёре – юлюшюнг.
- Ёксюзню къалачы уллу кёрюнюр.
- Дуния малгъа сатылма, кесингден телиге къатылма.
- Келинни – келгинчи, бёркню кийгинчи кёр.
- Таукел адам тау тешер.
- Адамны сабийин сюйген джюреги, бычакъча, джитиди.
- Сютню башын джалагъан къутулур, тюбюн ичген тутулур.
- Миллетни бойну – базыкъ, аны бла кюрешген – джазыкъ.
- Джарлыны эшигин махтагъан джабар.
- Ауузу бла къуш тута айланады.
- Къайгъы тюбю – тенгиз.
- Окъуу – билимни ачхычы, окъуу – дунияны бачхычы.
- Джашынгы кесинг юретмесенг, джашау юретир.
- Ариу – кёзге, акъыл – джюрекге.
- Джырына кёре эжиую.
- Аманны эки битли тону болур, бирин сеннге кийдирир, бирин кеси киер.
- Ёлмесенг да, къарт дамы болмазса?
- Чоюнну башы ачыкъ болса, итге уят керекди.
- Джумушакъ терекни къурт ашар.
- Айырылгъанланы айю ашар, бёлюннгенлени бёрю ашар.
- Хоншуну тауугъу къаз кёрюнюр, келини къыз кёрюнюр.
- Аманны къуугъан, аманлыкъ табар.
- Тешик этген тынчды, аны джамагъан къыйынды.
- Иги адам абынса да, джангылмаз.
- Алтыннга тот къонмаз.
- Мухарны эси – ашарыкъда.
- Ач бёрюге мекям джокъ.
- Къарыусузгъа кюлме, онгсузгъа тийме.
- Таякъ этден ётер, тил сюекден ётер.
- Кёлю джокъну – джолу джокъ.
- Кесинге джетмегенни, кёб сёлешме.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72