- Хар зат кесини орнуна иги.
- Аманны тукъумуна къарама, игини тукъумун сорма.
- Джолда аягъынга сакъ бол, ушакъда тилинге сакъ бол.
- Эртде тургъан джылкъычыны эркек аты тай табар.
- Ат басханны джер билед.
- Юйюнг бла джау болгъандан эсе, элинг бла джау бол.
- Ёлюк кебинсиз къалмаз.
- Эр абынмай, эл танымаз.
- Таукелге нюр джауар.
- Танг атмайма десе да, кюн къоярыкъ тюйюлдю.
- Чыбыкълыкъда бюгюлмеген, къазыкълыкъда бюгюлмей эди.
- Халкъны джырын джырласанг, халкъ санга эжиу этер.
- Джуртун къоругъан озар.
- Къая джолда джортма, ачыкъ сёзден къоркъма.
- Джиби бир къат джетмей эди да, эки къат тарта эди.
- Джан саулукъ бермей, сан саулукъ бермезсе.
- Къонакъны къачан кетерин сорма, къачан келлигин сор.
- Телиге от эт десенг, юйюнге от салыр.
- Айыбны суу бла джууалмазса.
- Этим кетсе да, сюегим къалыр.
- Айран ичген – къутулду, джугъусун джалагъан – тутулду.
- Эринчекге кюн узун.
- Башланнган иш битер, къымылдагъан тиш тюшер.
- Иги джашны ышаны – аз сёлешиб, кёб тынгылар.
- Иги адам абынса да, джангылмаз.
- Джыйырма къойну юч джыйырма эбзе кюте эди.
- Джашынгы кесинг юретмесенг, джашау юретир.
- Тюз сёз баргъан сууну тыяр.
- Эшекни не къадар тюйсенг да, ат болмаз.
- Эки итни арасына сюек атма, эки адамны арасында сёз чыгъарма.
- Джаханимни кёрмей, джандетге кёл салмазса.
- Тойгъан джерге джети къайт.
- Чомарт джарлы болмаз.
- Намысы болмагъанны, сыйы болмаз.
- Тойгъа алгъа да барма, тойда артха да къалма.
- Ач – эснер, ат – кишнер.
- Джарлы эскисин джамаса, къууаныр.
- Кирсизни – саны таза, халалны – къаны таза.
- Аманны эки битли тону болур, бирин сеннге кийдирир, бирин кеси киер.
- Эрни эр этерик да, къара джер этерик да, тиширыуду.
- Уллу атлама – абынырса, уллу къабма – къарылырса.
- Ачылгъан эт джабылыр, кёрген кёз унутмаз.
- Тилчиден кери бол.
- Бет бетге къараса, бет да джерге къарар.
- Ишлерге уял да, ашаргъа табма.
- Аман киши кеси юйюнде – къонакъ.
- Гыдай эчки суугъа къараб, мюйюзле кёрмесе, джашма алкъын, дегенди.
- Джылыгъа джылан илешир.
- Къайтырыкъ эшигинги, къаты уруб чыкъма.
- Билим къая тешер.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72