- Кесине гебен этелмеген, биреуге черен эте эди.
- Чомарт къолда мал къалмаз.
- Сабий болмагъан джерде, мёлек болмаз.
- Джюрекден джюрекге джол барды.
- Къулакъдан эсе, кёзге ышан.
- Окъ къызбайны джокълайды.
- От кюйдюрген, сау болса да, тот кюйдюрген, сау болмаз.
- Къолунгдан къуймакъ ашатсанг да, атаны борчундан къутулмазса.
- Кийим тукъум сордурур.
- Сабыр джетер муратха, сабырсыз къалыр уятха.
- Иги болса, тамадама – махтау, аман болса, меннге – айыб.
- Джогъун бар этген, барын бал этген.
- Мадар болса, къадар болур.
- Чабакъгъа акъыл, табагъа тюшсе келеди.
- Джумушакъ терекни къурт ашар.
- Джолда аягъынга сакъ бол, ушакъда тилинге сакъ бол.
- Тёзген – тёш ашар!
- Сангырау къулакъ эл бузар.
- Атлыны ашхысы, ат тизгининден билинир
- Чабар ат – джетген къыз.
- Ариу джол аджал келтирмез.
- Бир онгсуз адам адет чыгъарды, деб эштирик тюлсе.
- Сакъ юйюне сау барыр.
- Тюкюрюк баш джармаз, налат кёз чыгъармаз!
- Суу да къайтады чыкъгъан джерине.
- Окъдан джара эртде-кеч болса да бителир, сёз джара, ёмюрге къалыр.
- Аууздан келген, къолдан келсе, ким да патчах болур эди.
- Тойгъандан сора, ашны сёкме.
- Бал чибинни ургъаны – ачы, балы – татлы.
- Ауругъанны сау билмез, ач къарынны токъ билмез.
- Чакъырылмагъан къонакъ къачан кетерин сормаз.
- Байлыкъ болгъан джерде, тынчлыкъ джокъду.
- Джангыз торгъай джырламаз.
- Юй кюйдю да, кюйюз чыкъды, ортасындан тюйюш чыкъды.
- Ётюрюк хапар аякъ тюбю бла джюрюйдю.
- Адам сёзюнден белгили.
- Уллу сёзде уят джокъ.
- Айтхан – тынч, этген – къыйын.
- Рысхысына кёре, джаш ёсер, къышлыгъына кёре, мал ёсер.
- Сёз садакъдан кючлюдю.
- Чыкълы кюнде чыкъмагъан, чыкъса къуру кирмеген.
- Сыфатында болмагъаны, суратында болмаз.
- Сууда джау джокъ, кёб сёзде магъана джокъ.
- Тюзлюк шохлукъну бегитир.
- Кютгени беш эчки, сызгъыргъаны уа, джерни джарады.
- Акъыллы эркиши атын махтар, акъылсыз эркиши къатынын махтар.
- Адам боллукъ, атламындан белгили болур.
- Байны оноуу, джарлыгъа джарамаз.
- Окъумагъан сокъурду, сокъур ташха абыныр!
- Адам бла мюлк юлешмеген эсенг, ол адамны билиб бошагъанма, деб кесинги алдама.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72