- Къарнынг бла ёч алма.
- Ачыу алгъа келсе, акъыл артха къалады.
- Хунаны тюбюн къазсанг, юсюнге ауар.
- Адам туугъан джеринде, ит тойгъан джеринде.
- Байны къызы баймакъ болса да, юйде къалмаз!
- Джарлы тюеге минсе да, ит къабар.
- Керек ташны ауурлугъу джокъ.
- Тиширыусуз юй – отсуз от джагъа.
- Ёлюр джаннга, ёкюл джокъ.
- Сескекли кесин билдирир.
- Ашына кёре табагъы, балына кёре къалагъы.
- Атадан ёксюз – бир ёксюз, анадан ёксюз – эки ёксюз.
- Уллу къазанда бишген эт, чий къалмаз.
- Ашхы – джыяр, аман – джояр.
- Ёлген эшек бёрюден къоркъмайды.
- Ата Джуртун танымагъан, атасын да танымаз.
- Джангызны оту джарыкъ джанмаз!
- Окъугъанны бети джарыкъ.
- Къууут – джелге, берне – бошха.
- Арбаз къынгырды да, ийнек сауалмайма.
- Билими азны – ауузунда кирит.
- Бюгюн дуния кибик, тамбла ахыратды.
- Арпа, будай – ащды, алтын, кюмюш а – ташды.
- Огъурлуну сёзю – суу, огъурсузну сёзю – уу.
- Этек чакъмакълары баш джаргъан, сёлешген сёзлери таш джаргъан.
- Абынмазлыкъ аякъ джокъ, джангылмазлыкъ джаякъ джокъ.
- Малны кют, джерни тюрт.
- Джарлыны эшигин махтагъан джабар.
- Башы джабылгъан челекге, кир тюшмез.
- Аманны эки битли тону болур, бирин сеннге кийдирир, бирин кеси киер.
- Телиге акъыл салгъандан эсе, ёлгеннге джан салырса.
- Аман адамны тепсинге олтуртсанг, къызынгы тилер.
- Юре билмеген ит, къонакъ келтирир.
- Ач – эснер, ат – кишнер.
- Эшекге миннген – биринчи айыб, андан джыгъылгъан – экинчи айыб.
- Телини эшигин, махтау джабар.
- Орундукъ тюбюнде атылсам да, орта джиликме, де да айлан.
- Бозанг болмагъан джерге, къалагъынгы сукъма.
- Ётюрюкню къуйругъу – бир тутум.
- Къралынгы – душмандан, башынгы от бла суудан сакъла.
- Алма терегинден кери кетмез.
- Тёгюлген тюгел джыйылмайды.
- Байлыкъ адамны сокъур этер.
- Юйюнг бла джау болгъандан эсе, элинг бла джау бол.
- Ким бла джюрюсенг, аны кёзю бла кёрюнюрсе.
- Ишлегенде эринме, ишде чолакъ кёрюнме.
- Минг тенг да азды, бир джау да кёбдю.
- Джолунга кёре – джюрюшюнг, джагъанга кёре – юлюшюнг.
- Ат басханны джер билед.
- Ашхы тенг джолгъа салыр, аман тенг джолдан тайдырыр.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72