- Чомартха хар кюн да байрамды.
- Тай асырагъан, атха минер.
- Иги – алгъыш этер, аман – къаргъыш этер.
- Бет бетге къараса, бет да джерге къарар.
- Джырчы джырчыгъа – къарнаш.
- Кирсизни – саны таза, халалны – къаны таза.
- Рысхысына кёре, джаш ёсер, къышлыгъына кёре, мал ёсер.
- Хансыз джомакъ болмаз.
- Кёзюнде тереги болгъан, чёбю болгъаннга кюле эди.
- Ашхы болсанг, атынг чыгъар, аман болсанг, джанынг чыгъар.
- Аджаллыгъа окъсуз шкок атылыр.
- Рысхы – насыбха къор.
- Ауурну тюбю бла, дженгилни башы бла джюрюген.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Адебсиз адам – джюгенсиз ат.
- Дуния мал дунияда къалады.
- Насыблы элин сюер, насыбсыз кесин сюер.
- Ханнга да келеди хариблик.
- Джиби бир къат джетмей эди да, эки къат тарта эди.
- Аджашханны ызындагъы кёреди, джангылгъанны джанындагъы биледи.
- Намысы джокъну – дуниясы джокъ.
- Кюлме джашха – келир башха.
- Ат да турмайды бир териде.
- Нафысынгы айтханын этме, намысынгы айтханын эт.
- Эм ашхы къайын ана мамукъ бла башынгы тешер.
- Ашлыкъ – бюртюкден, джюн – тюкден.
- Халкъны юйю – туугъан джери.
- Байлыкъ тауусулур, билим тауусулмаз.
- Кесинге джетмегенни, кёб сёлешме.
- Кесине оноу эте билмеген, халкъына да эте билмез.
- Халкъны джырын джырласанг, халкъ санга эжиу этер.
- Ишлемеген – тишлемез.
- Уллу суу бла уллу ауруудан башынгы сакъла.
- Уясында не кёрсе, учханында аны этер.
- Урунуу – насыбны анасы.
- Тенги кёбню джау алмаз, акъылы кёбню дау алмаз.
- Чыкълы кюнде чыкъмагъан, чыкъса къуру кирмеген.
- Дженгил джетерикме деб, узун джолну къоюб, къысхасын барма.
- Аурууну келиую тынч, кетиую – къыйын.
- Рысхы джалгъанды: келген да этер, кетген да этер.
- Къатыны харакетли болса, эри къымсыз болур.
- Акъылсызны джууукъгъа алма, акъыллыны кенгнге салма.
- Суу кетер, таш къалыр.
- Тели турса – той бузар.
- Иги болса, тамадама – махтау, аман болса, меннге – айыб.
- Тура эдим джата, къайдан чыкъды хата?
- Кёбден умут этиб, аздан къуру къалма.
- Ишленмеклик адамлыкъды.
- Джашлыкъ этмеген, башлыкъ этмез.
- Айранын берсенг, челегин да къызгъанма.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72