- Шайтан алдады, тюзлюк къаргъады.
- Дуния аламаты сен эсенг да, игиме деб айтма.
- Баш болса, бёрк табылыр.
- Чакъырылмагъан къонакъ – орунсуз.
- Иесиз малны бёрю ашар.
- Кенгеш болса, уруш болмаз.
- Адам туугъан джеринде, ит тойгъан джеринде.
- Эрине къаргъыш этген къатын, эрнин къабар.
- Юй ишлеген балта эшикде къалыр.
- Намысы джокъну – дуниясы джокъ.
- Ойнай-ойнай кёз чыгъар.
- Алтыда кюлмеген, алтмышда кюлмез.
- Байны оноуу, джарлыгъа джарамаз.
- Ашда уялгъан – мухар, ишде уялгъан – хомух.
- Бетинги сатма, малынгы сат.
- Эки итни арасына сюек атма, эки адамны арасында сёз чыгъарма.
- Ата Джуртуму башы болмасам да, босагъасында ташы болайым.
- Къоркъакъны кёзю экили кёрюр.
- Ёгюзню мюйюзюнден тутадыла, адамны сёзюнден тутадыла.
- Таш бла ургъанны, аш бла ур.
- Къолу уллу – асыу, аягъы уллу – джарсыу.
- Нарт сёз – тилни бети.
- Аманнга игилик этсенг, юйюнге сау бармазса.
- Къуру гыбыт бек дыгъырдар.
- Акъдан къара болмаз.
- Суу кетер, таш къалыр.
- Къарт айтханны этмеген, къартаймаз.
- Рысхысына кёре, джаш ёсер, къышлыгъына кёре, мал ёсер.
- Сёз къанатсыз учар.
- Таукел тауну аудурур.
- Аурууну келиую тынч, кетиую – къыйын.
- Эл элде бирер малынг болгъандан эсе, бирер тенгинг болсун.
- Чабакъсыз кёлге къармакъ салгъанлыкъгъа, чабакъ тутмазса.
- Сёз сёзню айтдырыр.
- Къонакъ аман болса, къонакъбай джунчур
- Къартны бурнун сюрт да, оноугъа тут.
- Дуния малгъа сатылма, кесингден телиге къатылма.
- Бети бедерден, намыс сакълама.
- Къанны къан бла джуума, аманны аман бла къуума.
- Нафысынгы айтханын этме, намысынгы айтханын эт.
- Тойгъанлыкъ къойгъа джарашады.
- Чакъырылмай келген къонакъ сыйланмай кетер.
- Джаш болсун, къыз болсун, акъылы, саны тюз болсун.
- Къыз келсе, джумуш эте келеди, къатын келсе, ушакъ эте келеди.
- Мал кёб болса, джууукъ кёб болур.
- Къуллукъчума, деб махтанма, къуллукъ – хаух джамчыды!
- Уясында не кёрсе, учханында аны этер.
- Иги сеники эсе да, сюйген кесимикин этеме.
- Хар сёзню орну барды.
- Тюзлюк тас болмайды.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72