- Джолда аягъынга сакъ бол, ушакъда тилинге сакъ бол.
- Тилчиден кери бол.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Тил бла келеди джыр да.
- Къыйынлы джети элни къайгъысын этер.
- Хар сёзню орну барды.
- Джети тилни билген джети кишиди.
- Къарт бла баш аша, джаш бла аякъ аша.
- Абынмазлыкъ аякъ джокъ, джангылмазлыкъ джаякъ джокъ.
- Таш бла ургъанны, аш бла ур.
- Бозанг болмагъан джерге, къалагъынгы сукъма.
- Ач – эснер, ат – кишнер.
- Ата – баланы уясы.
- Къатыны харакетли болса, эри къымсыз болур.
- Ауругъанны сау билмез, ач къарынны токъ билмез.
- Биреуню къыйынлыгъы бла кесинге джол ишлеме.
- Аурууну келиую тынч, кетиую – къыйын.
- Тёрени джагъы джокъ.
- Ёнгкюч къууана барыр, джылай келир.
- Нафысынгы айтханын этме, намысынгы айтханын эт.
- Билимли ёлмез, билимсиз кёрмез.
- Тик ёргени, тик энгишгеси да болады.
- Ёгюзню мюйюзлери ауурлукъ этмейдиле.
- Ашхылыкъ джерде джатмайды, аманлыкъ суугъа батмайды.
- Эркишиге тары кебек танг кёрюнюр.
- Эр сокъур болсун, къатын тилсиз болсун.
- Мухарны эси – ашарыкъда.
- Огъурлуну сёзю – суу, огъурсузну сёзю – уу.
- Алим болгъандан эсе, адам болгъан къыйынды.
- Иги бла джюрюсенг, джетерсе муратынга, аман бла джюрюсенг, къалырса уятха.
- Джаш болсун, къыз болсун, акъылы, саны тюз болсун.
- Акъылсызны джууукъгъа алма, акъыллыны кенгнге салма.
- Аман адам элни бир-бирине джау этер.
- Джаханимни кёрмей, джандетге кёл салмазса.
- Тай асырагъан, атха минер.
- Алма терегинден кери кетмез.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Экиндини кеч къылсанг, чабыб джетер ашхам.
- Ушамагъан – джукъмаз.
- Аууз сакълагъан – джан сакълар.
- Хар зат кесини орнуна иги.
- Биреуге аманлыкъны тилеме да, кесинге ашхылыкъны тиле.
- Тели турса – той бузар.
- Суу кетер, таш къалыр.
- Мухар, кеси тойса да, кёзю тоймаз.
- Айтхан сёзюне табылгъан.
- Тойгъанлыкъ къойгъа джарашады.
- Башда акъыл болмаса, эки аякъгъа кюч джетер.
- Кёб джат да, бек чаб.
- Байны къызы баймакъ болса да, юйде къалмаз!
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72