- Аууз сакълагъан – джан сакълар.
- Ёксюзню тилеги къабыл болур.
- Байлыкъ болгъан джерде, тынчлыкъ джокъду.
- Чабакъ башындан чирийди.
- Намысы болмагъанны, сыйы болмаз.
- Кёрмегеннге кебек – танг, битмегеннге сакъал – танг.
- Тойгъан джерге джети къайт.
- Уллу айтханны этмеген – уллаймаз.
- Атлыны кёрсе, джаяуну буту талыр.
- Къалгъан ишге къар джауар.
- Аджашхан тёгерек айланыр.
- Эл тойса, тоймагъан, эл къойса, къоймагъан.
- Джарлы джети элни сёзюн этер.
- Эрине къаргъыш этген къатын, эрнин къабар.
- Ана къолу ачытмаз.
- Тенгинг джокъ эсе – изле, бар эсе – сакъла!
- Адамны аты башхача, акъылы да башхады.
- Шекер бла туз – бир болмаз, ушамагъан – юй болмаз.
- Айранны сюйген, ийнек тутар.
- Гырджын – тепсини тамадасы.
- Бозаны арты дауур болур.
- Тил – миллетни джаны.
- Ким бла джюрюсенг, аны кёзю бла кёрюнюрсе.
- Башсыз урчукъ тюзюне айланмаз.
- Тил бла келеди джыр да.
- Чомартны къолун джокълукъ байлар.
- Къонакъ хазыр болгъанлыкъгъа, къонакъбай хазыр тюлдю.
- Акъыл бла адеб эгизледиле.
- Къызгъанчдан ычхыныр, мухардан ычхынмаз.
- Эркишиге тары кебек танг кёрюнюр.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Аманнга да, игиге да оноусуз къатышма.
- Сангырау къулакъ эл бузар.
- Эркиши – от, тиширыу – суу.
- Къыз келсе, джумуш эте келеди, къатын келсе, ушакъ эте келеди.
- Къонагъынгы артмагъын алма да, алгъышын ал.
- Къарыусузгъа кюлме, онгсузгъа тийме.
- Баш болса, бёрк табылыр.
- Адам туугъан джеринде, ит тойгъан джеринде.
- Эм уллу байлыкъ – джан саулукъ.
- Эркишини аманы тиширыуну джылатыр.
- Дуния мал дунияда къалады.
- Насыблы элин сюер, насыбсыз кесин сюер.
- Бек анасы джыламаз.
- Джиби бир къат джетмей эди да, эки къат тарта эди.
- Ат басханны джер билед.
- Джарлыны эшигин махтагъан джабар.
- Ишлегенден, къарагъан уста.
- Къайгъыны сюйген, къайгъы табар.
- Эр абынмай, эл танымаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72