- Халкъны джырын джырласанг, халкъ санга эжиу этер.
- Дуния мал дунияда къалады.
- Ач уят къоймаз.
- Миллетни бойну – базыкъ, аны бла кюрешген – джазыкъ.
- Къартны сыйын кёрмеген, къартлыгъында сыйлы болмаз.
- Атадан ёксюз – бир ёксюз, анадан ёксюз – эки ёксюз.
- Билмезни кёзю кёрмез, этмезни къулагъы эшитмез.
- Адам къыйынлыгъын кёлтюрюр, зауукълугъун кёлтюрмез.
- Мени джылытмагъан кюн, меннге тиймесин!
- Байма, деб да, къууанма, джарлыма, деб да, джылама.
- Тин – байлыгъынг, терен саулугъунг.
- Окъдан джара эртде-кеч болса да бителир, сёз джара, ёмюрге къалыр.
- Оюмсуз атлагъан, аджалсыз ёлюр.
- Джауумдан сора, кюн кюйдюрюр, ётюрюкден сора, айыб кюйдюрюр.
- Тойгъанлыкъ къойгъа джарашады.
- Ата Джуртуму башы болмасам да, босагъасында ташы болайым.
- Башы ишлегенни, ауузу да ишлер.
- Шекер бла туз – бир болмаз, ушамагъан – юй болмаз.
- Ата – билек, ана – джюрек!
- Тик ёргени, тик энгишгеси да болады.
- Таукел къуру къалмаз.
- Биреуге аманлыкъ этиб, кесинге игилик табмазса.
- Тилчи тилден къаныкъмаз.
- Харам къарнашдан, халал тенг ашхы.
- Къонагъы джокъну – шоху джокъ.
- Ётюрюкню башын керти кесер.
- Баш – акъыл ючюн, акъылман – халкъ ючюн.
- Къарыусузгъа кюлме, онгсузгъа тийме.
- Къонакъ болсанг, ийнакъ бол.
- Кёзюнде тереги болгъан, чёбю болгъаннга кюле эди.
- Ишни аллы бла къууанма да, арты бла къууан.
- Чёбню кёлтюрсенг, тюбюнден сёз чыгъар.
- Айранын берсенг, челегин да къызгъанма.
- Кёбден умут этиб, аздан къуру къалма.
- Тынгылагъан тынгы бузар.
- Айраннга суу къош, телиге джол бош.
- Гырджын – тепсини тамадасы.
- Иесиз малны бёрю ашар.
- Ёлюр джаннга, ёкюл джокъ.
- Ана къойну – балагъа джандет.
- Сёз – кюмюш, джыр – алтын.
- Эски джаугъа ышанма.
- Иги сёз – джаннга азыкъ, аман сёз башха – къазыкъ.
- Къая джолда джортма, ачыкъ сёзден къоркъма.
- Джогъун бар этген, барын бал этген.
- Аман киши кеси юйюнде – къонакъ.
- Урама да – ёледи, сатама да – келеди.
- Борчунг бар эсе, хурджунунга ойлаб узал.
- Ариу сёз – джаннга азыкъ, аман сёз – башха къазыкъ.
- Къатыны харакетли болса, эри къымсыз болур.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72