- Келинин тута билмеген, къул этер, къызын тута билмеген, тул этер.
- Кесине оноу эте билмеген, халкъына да эте билмез.
- Чомарт бергенин айтмаз.
- Кёб къычыргъандан – къоркъма, тынч олтургъандан – къоркъ.
- Ариу джол аджал келтирмез.
- Мураты болгъанны джюрек тебюую башхады.
- Элге къуллукъ этмеген, элге ие болмаз.
- Тёзгеннге, джабылгъан эшик ачылыр.
- Артына баргъанны, къатына барма.
- Гырджын – тепсини тамадасы.
- Танг атмайма десе да, кюн къоярыкъ тюйюлдю.
- Ёлмесенг да, къарт дамы болмазса?
- Кийимни бир кюнню аясанг, минг кюннге джарар.
- Къонакъ хазыр болгъанлыкъгъа, къонакъбай хазыр тюлдю.
- Татлы сёз – балдан татлы.
- Келлик заман – къартлыкъ келтирир, кетген заман – джашлыкъ ёлтюрюр.
- Акъылсызны джууукъгъа алма, акъыллыны кенгнге салма.
- Болджал ишни бёрю ашар.
- Сормай – алма, чакъырылмай – барма.
- Тамбла алтындан бюгюн багъыр ашхы.
- Ашда уялгъан – мухар, ишде уялгъан – хомух.
- Бал ашаргъа сюе эсенг, чибин ургъаннга тёз.
- Ёгюзню мюйюзлери ауурлукъ этмейдиле.
- Джеринден айырылгъан – джети джылар, джуртундан айырылгъан – ёлгюнчю джылар.
- Алма терегинден кери кетмез.
- Аш кетер да бет къалыр.
- Чакъырылмагъан джерге барма, чакъырылгъан джерден къалма.
- Асхат ашлыкъ сата, юйдегиси ачдан къата.
- Аджаллыгъа окъсуз шкок атылыр.
- Адамгъа аман кюн соруб келмейди.
- Эркиши – от, тиширыу – суу.
- Адамны джюреги нени кёрюрге сюйсе, кёзю да аны кёрюрге ёч болады.
- Ариу сёз аурууунгу алыр.
- Чакъырылмагъан къонакъ къачан кетерин сормаз.
- Тили узунну, намысы – къысха.
- Эркишиге тары кебек танг кёрюнюр.
- Эринчекни эр алмаз, эр алса да, кёл салмаз, кёл салса да, кёб бармаз!
- Баланы адам этген анады.
- Ишлемеген – тишлемез.
- Къарнынг ауруса, ауузунгу тый
- Къонагъы джокъну – шоху джокъ.
- Уллу сёзде уят джокъ.
- Мал тутхан – май джалар.
- Таукел тауну аудурур.
- Эм ашхы къайын ана мамукъ бла башынгы тешер.
- Кюн кёрмеген, кюн кёрсе, кюндюз чыракъ джандырыр.
- Келгинчи, къонакъ уялыр, келгенден сора, къонакъбай уялыр.
- Бюгюн дуния кибик, тамбла ахыратды.
- Эл ауузу – элия.
- Сёз къанатсыз учар.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72