- Уллу суу бла уллу ауруудан башынгы сакъла.
- Акъыллы айтыр эди, акъылсыз къоймайды.
- Узун джолну барсанг, бюгюн келирсе, къысха джолну барсанг, тамбла келирсе.
- Азыкъ аз болса, эртде орун сал.
- Мухардан ач ычхынмаз.
- Этни да ашады, бетни да ашады.
- Тамырсыз терекге таянма – джыгъылырса.
- Малны кют, джерни тюрт.
- Азыгъы аз, алгъа къабар, аты аман, алгъа чабар.
- Джуртун къоругъан озар.
- Бюгюн дуния кибик, тамбла ахыратды.
- Ашыкъгъан cуу, тенгизге джетмез.
- Халкъны юйю – туугъан джери.
- Билим ат болуб да чабар, къуш болуб да учар.
- Ата – билек, ана – джюрек!
- Джарашыу сюйген – джалынчакъ.
- Таукел тауну аудурур.
- Тюзлюк шохлукъну бегитир.
- Аз сёлешген, къайгъысыз турур.
- Къозулугъунда тоймагъан, къойлугъунда тоймаз.
- Аманнга игилик этсенг, юйюнге сау бармазса.
- Биреу ашаб къутулур, биреу джалаб тутулур.
- Акъдан къара болмаз.
- Ёксюзню тилеги къабыл болур.
- Артына баргъанны, къатына барма.
- Тилсиз миллет джокъ болур.
- Ач да бол, токъ да бол – намысынга бек бол.
- Къонакъ болсанг, ийнакъ бол.
- Джашлыкъ этмеген, башлыкъ этмез.
- Ёлген ийнек сютлю болур.
- Зар адам ашынгы ашар, кесинги сатар.
- Эте билген, этген этеди, эте билмеген, юретген этеди!
- Абынмазлыкъ аякъ джокъ, джангылмазлыкъ джаякъ джокъ.
- Хата – гитчеден.
- Бир онгсуз адам адет чыгъарды, деб эштирик тюлсе.
- Джауумдан сора, кюн кюйдюрюр, ётюрюкден сора, айыб кюйдюрюр.
- Адам къыйынлыгъын кёлтюрюр, зауукълугъун кёлтюрмез.
- Хатерли къул болур.
- Ач къалгъандан, кеч къалгъан къолай.
- Ишлегенден, къарагъан уста.
- Кесинг сынамагъан затны, адамгъа буюрма.
- Аш хазыр болса, иш харам болур.
- Эли джокъну – кёлю джокъ.
- Адамны аты башхача, акъылы да башхады.
- Накъырданы арты керти болур.
- Окъугъан озар, окъумагъан тозар.
- Баргъанынга кёре болур келгенинг.
- Олтуруб кёрюнмей эди да, ёрге туруб кёрюне эди.
- Ауругъанны сау билмез, ач къарынны токъ билмез.
- Тура эдим джата, къайдан чыкъды хата?
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72