- Адам сёзюнден белгили.
- Эки къатын алгъан – эки ташны ортасына башын салгъан.
- Ишин билген, аны сыйын чыгъарады.
- Ышармагъан – кюлмез, кюлмеген – къууанчны билмез.
- Аурууну келиую тынч, кетиую – къыйын.
- Къарыусузгъа кюлме, онгсузгъа тийме.
- Ханы къызы буюгъа-буюгъа киштик болду.
- Бал – татлы, балдан да бала – татлы.
- Ач отунчуну ачыуу – бурнунда.
- Биреуню тёрюнден, кесинги эшик артынг игиди.
- Джюрек кёзден алгъа кёрюр.
- Таукел адам тау тешер.
- Бети – къучакълар, джюреги – бычакълар.
- Ауузу аманнга «иги», деме.
- Ашаса, ашамаса да, бёрюню ауузу – къан.
- Арбаз сайлама да, хоншу сайла.
- Аджашханны ызындагъы кёреди, джангылгъанны джанындагъы биледи.
- Кёб джашагъан – кёб билир.
- Тили узунну, намысы – къысха.
- Ачылгъан эт джабылыр, кёрген кёз унутмаз.
- Миллетни бойну – базыкъ, аны бла кюрешген – джазыкъ.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Тик ёргени, тик энгишгеси да болады.
- Этни бети бла шорпасы.
- Ёпкелегенни ашы татлы болады.
- Аманны къуугъан, аманлыкъ табар.
- Алтыннга тот къонмаз.
- Атадан ёксюз – бир ёксюз, анадан ёксюз – эки ёксюз.
- Джангыз торгъай джырламаз.
- Тёрдеги кюлсе, эшикдеги ышарыр.
- Эркишиге тары кебек танг кёрюнюр.
- Кёл – къызбай, къол – батыр.
- Ётген ёмюр – акъгъан суу.
- Ашына кёре табагъы, балына кёре къалагъы.
- От кюйдюрген, сау болса да, тот кюйдюрген, сау болмаз.
- Итли къонакъ джарашмаз.
- Келгинчи, къонакъ уялыр, келгенден сора, къонакъбай уялыр.
- Адам боллукъ, атламындан белгили болур.
- Хазыр ашха – терен къашыкъ.
- Къалгъан ишге къар джауар.
- Къатын къылыкъсыз, эр тынчлыкъсыз.
- Иши джокъну, сыйы джокъ.
- Аман адам этегингден тутса, кес да къач.
- Бермеген къол, алмайды.
- Олтуруб кёрюнмей эди да, ёрге туруб кёрюне эди.
- Кюн кёрмеген, кюн кёрсе, кюндюз чыракъ джандырыр.
- Иги болса, тамадама – махтау, аман болса, меннге – айыб.
- Иесиз малны бёрю ашар.
- Чакъырылмай келген къонакъ сыйланмай кетер.
- «Ёгюз, джаргъа джууукъ барма, меннге джюк боллукъса», - дегенди эшек.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72