- Ариу сёз джыланны орнундан чыгъарыр.
- Джол бла сёзню къыйыры джокъ.
- Къартха ушагъан джаш – акъыллы, джашха ушагъан къарт – тели.
- Нёгер болсанг, тенг бол, тенг болмасанг, кенг бол.
- Адеб базарда сатылмаз.
- Адамгъа аман кюн соруб келмейди.
- Ёзденликни джайгъан – джокълукъ.
- Ач уят къоймаз.
- Ат да турмайды бир териде.
- Тешигини къатында, чычхан да батыр болур.
- Ачылгъан эт джабылыр, кёрген кёз унутмаз.
- Билим – акъылны чырагъы.
- Джыгъылгъанны сырты джерден тоймаз.
- Эки къатын алгъан – эки ташны ортасына башын салгъан.
- Байдан умут эте, джарлыдан ёгюз багъасы къорады.
- Арпа, будай – ащды, алтын, кюмюш а – ташды.
- Азыкълы ат арымаз, къатыны аман джарымаз.
- Тёзген – тёш ашар!
- Башынга джетмегенни сорма.
- Кенгеш болса, уруш болмаз.
- Сакъ юйюне сау барыр.
- Акъыл неден да кючлюдю.
- Эл ауузу – элек, анга ийнаннган – халек.
- Кёзю сокъурдан – къоркъма, кёлю сокъурдан – къоркъ.
- Биреуню тёрюнден, кесинги эшик артынг игиди.
- Ашда – бёрю, ишде – ёлю.
- Уллу суу бла уллу ауруудан башынгы сакъла.
- Къазанчы аман болса, къазаны къайнамаз.
- Окъ къызбайны джокълайды.
- Тура эдим джата, къайдан чыкъды хата?
- Джаханимни кёрмей, джандетге кёл салмазса.
- Билимсиз иш бармаз.
- Атынг аманнга чыкъгъандан эсе, джанынг тамагъынгдан чыкъсын.
- Тешик этген тынчды, аны джамагъан къыйынды.
- Джашлыкъ этмеген, башлыкъ этмез.
- Нафысынгы айтханын этме, намысынгы айтханын эт.
- Ойнай билмеген, оюн бузар.
- Кёзден кетген, кёлден да кетеди.
- Биреу къой излей, биреу той излей.
- Аш иеси бла татлыды.
- Мухарны эси – ашарыкъда.
- Джашны джигитлиги сорулур, къызны джигерлиги сорулур.
- Адам боллукъ, атламындан белгили болур.
- Дуния мал дунияда къалады.
- Кесине оноу эте билмеген, халкъына да эте билмез.
- Байлыкъ болгъан джерде, тынчлыкъ джокъду.
- Хоншуну тауугъу къаз кёрюнюр, келини къыз кёрюнюр.
- Бир абыннган – минг сюрюнюр.
- Акъыллы эркиши атын махтар, акъылсыз эркиши къатынын махтар.
- Къыз келсе, джумуш эте келеди, къатын келсе, ушакъ эте келеди.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72