- Айырылгъанланы айю ашар, бёлюннгенлени бёрю ашар.
- Ач келгенни – тойдур, кеч келгенни – къондур.
- Керек ташны ауурлугъу джокъ.
- Хантына кёре тузу, юйюне кёре къызы.
- Ашхы сёз таш тешер.
- Чомартны къолу берекет.
- Тели турса – той бузар.
- Биреуге аманлыкъны тилеме да, кесинге ашхылыкъны тиле.
- Эки итни арасына сюек атма, эки адамны арасында сёз чыгъарма.
- Тилчи тилден къаныкъмаз.
- Халкъны джырын джырласанг, халкъ санга эжиу этер.
- Окъдан джара эртде-кеч болса да бителир, сёз джара, ёмюрге къалыр.
- Къонакъ аз олтурур, кёб сынар.
- Аман хансны – урлугъу кёб.
- Борчунг бар эсе, хурджунунга ойлаб узал.
- Джиби бир къат джетмей эди да, эки къат тарта эди.
- Чакъырылмагъан къонакъ – орунсуз.
- Джаш къарыу бла кючлю, къарт акъыл бла кючлю.
- Акъыл сабырлыкъ берир.
- Рысхысына кёре, джаш ёсер, къышлыгъына кёре, мал ёсер.
- Ана – юйню кюн джарыгъы.
- Мадар болса, къадар болур.
- Таукел адам тау тешер.
- Айраннга суу къош, телиге джол бош.
- Этни бети бла шорпасы.
- Тешик этген тынчды, аны джамагъан къыйынды.
- Алтыда кюлмеген, алтмышда кюлмез.
- Сёз къанатсыз учар.
- Чабакъ башындан чирийди.
- Чакъырылмагъан джерге барма, чакъырылгъан джерден къалма.
- Туз, гырджын аша, тюзлюк бла джаша.
- Суу кетер, таш къалыр.
- Джауумдан сора, кюн кюйдюрюр, ётюрюкден сора, айыб кюйдюрюр.
- Гугук кесини атын айтыб къычыргъанча, мен, мен деб нек тураса?
- Насыб бютеу халкъны юлюшюдю.
- Иги сеники эсе да, сюйген кесимикин этеме.
- Кесине оноу эте билмеген, халкъына да эте билмез.
- Ханы къызы буюгъа-буюгъа киштик болду.
- Босагъа таш юйге кирмей эди, тыбыр таш эшикге чыкъмай эди.
- Иги джашны ышаны – аз сёлешиб, кёб тынгылар.
- Дуния мал дунияда къалады.
- Юре билмеген ит, къонакъ келтирир.
- Кесинг сынамагъан затны, адамгъа буюрма.
- Ётген ёмюр – акъгъан суу.
- Ата – билек, ана – джюрек!
- Накъырданы арты керти болур.
- Ашын ашагъанынгы, башын да сыйла.
- Юреннген ауруу къалмаз.
- Эшекни не къадар тюйсенг да, ат болмаз.
- Уясында не кёрсе, учханында аны этер.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72