- Окъ къызбайны джокълайды.
- Ата – билек, ана – джюрек!
- Эрине къаргъыш этген къатын, эрнин къабар.
- Тилчи тилден къаныкъмаз.
- Суу да къайтады чыкъгъан джерине.
- Ач – эснер, ат – кишнер.
- Телиге акъыл салгъандан эсе, ёлгеннге джан салырса.
- Ашыкъгъанны этеги бутуна чырмалыр.
- Хансыз джомакъ болмаз.
- Кийимни бир кюнню аясанг, минг кюннге джарар.
- Биреуге аманлыкъны тилеме да, кесинге ашхылыкъны тиле.
- Мал тутхан – май джалар.
- Джиби бир къат джетмей эди да, эки къат тарта эди.
- Джарлы тюеге минсе да, ит къабар.
- Билим насыб берир, билим джолну керир.
- Аш кетер да бет къалыр.
- Баргъанынга кёре болур келгенинг.
- Къуллукъчума, деб махтанма, къуллукъ – хаух джамчыды!
- Асхат ашлыкъ сата, юйдегиси ачдан къата.
- Эр сокъур болсун, къатын тилсиз болсун.
- Ашхы адам – халкъ байлыгъы, ашхы джер – джашау байлыгъы.
- Агъач халкъгъа алтынды, иссиликге салкъынды.
- Юй ишлеген балта эшикде къалыр.
- Ашаса, ашамаса да, бёрюню ауузу – къан.
- Эки къатын алгъанны къулагъы тынгнгаймаз.
- Джырчы ёлсе, джыры къалыр.
- Эски джаугъа ышанма.
- Тенгни тенглиги джашай барсанг билинир.
- Бал чибинни ургъаны – ачы, балы – татлы.
- Келлик заман – къартлыкъ келтирир, кетген заман – джашлыкъ ёлтюрюр.
- Къазанда болса, чолпугъа чыгъар.
- Бермеген къол, алмайды.
- Къызбайны юйюне дери сюрсенг, батыр болур.
- Ашда – бёрю, ишде – ёлю.
- Къая джолда джортма, ачыкъ сёзден къоркъма.
- Ойнай-ойнай кёз чыгъар.
- Чарсда алчыны эл кёреди.
- Минг тенг да азды, бир джау да кёбдю.
- Байлыкъ адамны сокъур этер.
- Ёзденликни джайгъан – джокълукъ.
- Тилсиз миллет джокъ болур.
- Аз айтсам, кёб ангылагъыз.
- Узун джолну барсанг, бюгюн келирсе, къысха джолну барсанг, тамбла келирсе.
- Аш хазыр болса, иш харам болур.
- Бетинги сатма, малынгы сат.
- Ач бёрюге мекям джокъ.
- Ишни аллы бла къууанма да, арты бла къууан.
- Сёз сёзню айтдырыр.
- Иги джашны ышаны – аз сёлешиб, кёб тынгылар.
- Акъыллы башны – тили къысха.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72