- Этек чакъмакълары баш джаргъан, сёлешген сёзлери таш джаргъан.
- Насыблы элин сюер, насыбсыз кесин сюер.
- Ашыкъгъан cуу, тенгизге джетмез.
- Сабыр джетер муратха, сабырсыз къалыр уятха.
- Къууут – джелге, берне – бошха.
- Къызын тута билмеген, тул этер, джашын тута билмеген, къул этер.
- Ачлыкъ отха секиртир.
- Къалгъан ишге къар джауар.
- Ашда – бёрю, ишде – ёлю.
- Тиширыусуз юй – отсуз от джагъа.
- Аджаллыгъа окъсуз шкок атылыр.
- Душманны тышы – акъ, ичи – къара.
- Ариу сёзде ауруу джокъ.
- Джашынгы кесинг юретмесенг, джашау юретир.
- Тура эдим джата, къайдан чыкъды хата?
- Ашатыргъа иш – ашхы, ишлетирге аш – ашхы.
- Булут кёкге джарашыу, уят бетге джарашыу.
- Бети къызарыучу адамны, джюреги харам болмаз.
- Алгъанда – джууукъ, бергенде – джау.
- Хар ишни да аллы къыйынды.
- Урама да – ёледи, сатама да – келеди.
- Хаухну атма, ёнгкючню сатма.
- Аджашханны ызындагъы кёреди, джангылгъанны джанындагъы биледи.
- Сабий болмагъан джерде, мёлек болмаз.
- Джигер – джаннга къыйынлыкъ.
- Къатын байлыкъны сюер, эр саулукъну сюер.
- Эки къатын алгъанны къулагъы тынгнгаймаз.
- Адамны сыфатына къарама, сёзюне къара.
- Билимден уллу байлыкъ джокъду.
- Ана къойну – балагъа джандет.
- Кесинге джетмегенни, кёб сёлешме.
- Ауурну тюбю бла, дженгилни башы бла джюрюген.
- Уясында не кёрсе, учханында аны этер.
- Таукел адам тау тешер.
- Мал кёб болса, джууукъ кёб болур.
- Магъанасыз сёз – тауушсуз сыбызгъы.
- Аманнга игилик этсенг, юйюнге сау бармазса.
- Таш ата билмеген, башына урур.
- Ёзденликни кёбю ётюрюк.
- Минг тенг да азды, бир джау да кёбдю.
- Тил джюрекге джол ишлейди.
- Кийиминг бла танылма, адамлыкъ бла таныл.
- Эрни эр этерик да, къара джер этерик да, тиширыуду.
- Биреуню эскиси биреуге джангы болмайды.
- Атынг аманнга чыкъгъандан эсе, джанынг тамагъынгдан чыкъсын.
- Чомарт джарлы болмаз.
- Этни да ашады, бетни да ашады.
- Дуния аламаты сен эсенг да, игиме деб айтма.
- Аш кетер да бет къалыр.
- Азыкълы ат арымаз, къатыны аман джарымаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72