- Адам боллукъ, атламындан белгили болур.
- Рысхы – сют юсюнде кёмюк кибикди.
- Ашыкъгъан cуу, тенгизге джетмез.
- Эл бла кёргенинг эрелей.
- Ач, тоймам, дейди, тойгъан, ач болмам, дейди.
- Джюрек кёзден алгъа кёрюр.
- Гыдай эчки суугъа къараб, мюйюзле кёрмесе, джашма алкъын, дегенди.
- Сабийликде юретмесенг, уллу болса – тюзелмез.
- Юре билмеген ит, къонакъ келтирир.
- Ариу сёзде ауруу джокъ.
- Къызгъанчдан ычхыныр, мухардан ычхынмаз.
- Ачылгъан эт джабылыр, кёрген кёз унутмаз.
- Къар – келтирди, суу – элтди.
- Махтаннган къыз, тойда джукълар.
- Дуния мал дунияда къалады.
- Тили узунну, намысы – къысха.
- Бети къызарыучу адамны, джюреги харам болмаз.
- Ач да бол, токъ да бол – намысынга бек бол.
- Экеулен сёлеше тура эселе, орталарына барыб кирме.
- Ёгюзню мюйюзлери ауурлукъ этмейдиле.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Тай асырагъан, атха минер.
- Ышармагъан – кюлмез, кюлмеген – къууанчны билмез.
- Байны къызы баймакъ болса да, юйде къалмаз!
- Къошда джокъгъа – юлюш джокъ.
- Къоркъакъны кёзю экили кёрюр.
- Тиширыусуз юй – отсуз от джагъа.
- Аз айтсам, кёб ангылагъыз.
- Къонакъны къачан кетерин сорма, къачан келлигин сор.
- Эл элде бирер малынг болгъандан эсе, бирер тенгинг болсун.
- Тау башында, тау болмаз, джангыз терек, бау болмаз.
- Кёб къычыргъандан – къоркъма, тынч олтургъандан – къоркъ.
- Джарлыны тону джаз битер.
- Ана кёлю – балада, бала кёлю – талада.
- Алтыннга тот къонмаз.
- Джетген къыз джерли эшекни танымаз.
- Тойгъанлыкъ къойгъа джарашады.
- Ауругъаннга – кийик саулукъ, джетген къызгъа – чилле джаулукъ.
- Къонакъ хазыр болгъанлыкъгъа, къонакъбай хазыр тюлдю.
- Асхат ашлыкъ сата, юйдегиси ачдан къата.
- Ашын ашагъанынгы, башын да сыйла.
- Намысы джокъну – дуниясы джокъ.
- Къралынгы – душмандан, башынгы от бла суудан сакъла.
- Тамчы таш тешер.
- Аман киши кеси юйюнде – къонакъ.
- Атлыны ашхысы, ат тизгининден билинир
- Тешигини къатында, чычхан да батыр болур.
- Джахил болса анасы, не билликди баласы?
- Аууз сакълагъан – джан сакълар.
- Сыфатында болмагъаны, суратында болмаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72