- Тил – миллетни джаны.
- Хар зат кесини орнуна иги.
- Айтхан сёзюне табылгъан.
- Къар – келтирди, суу – элтди.
- Ашын ашагъанынгы, башын да сыйла.
- «Ёгюз, джаргъа джууукъ барма, меннге джюк боллукъса», - дегенди эшек.
- Ишлерге уял да, ашаргъа табма.
- Аз сёлешген, къайгъысыз турур.
- Насыб бютеу халкъны юлюшюдю.
- Ишни ахырын ойламай, аллын башлама.
- Тил бла келеди джыр да.
- Туз, гырджын аша, тюзлюк бла джаша.
- Кесине оноу эте билмеген, халкъына да эте билмез.
- Кёб джашагъан – кёб билир.
- Чомартны къолу берекет.
- Айтхан – тынч, этген – къыйын.
- Ашлыкъны арба юйге келтирир, чана базаргъа элтир.
- Джырчы ёлсе, джыры къалыр.
- Бети бедерден, намыс сакълама.
- Нафысынгы айтханын этме, намысынгы айтханын эт.
- «Ма», - дегенни билмесенг, «бер», - дегенни билмезсе.
- Аджал соруб келмез, келсе, къайтыб кетмез.
- Къайтырыкъ эшигинги, къаты уруб чыкъма.
- Кёзден кетген, кёлден да кетеди.
- Кесине гебен этелмеген, биреуге черен эте эди.
- Билгенни къолу къарны джандырыр.
- Ата Джуртуму башы болмасам да, босагъасында ташы болайым.
- Чакъырылгъанны аты, чакъырылмагъанны багъасы болур.
- Биреуню къыйынлыгъы бла кесинге джол ишлеме.
- Келинин тута билмеген, къул этер, къызын тута билмеген, тул этер.
- Ашыкъгъанны этеги бутуна чырмалыр.
- Минг тенг да азды, бир джау да кёбдю.
- Акъыллы – эл иеси, тели – эл баласы.
- Биреуге кёлтюрген таягъынг, кесинги башынга урур.
- Намыс болмагъан джерде, насыб болмаз.
- Нарт сёз къарт болмаз.
- Тюзлюк тас болмайды.
- Чакъырылмай келген къонакъ сыйланмай кетер.
- Бет бетге къараса, бет да джерге къарар.
- Байны къызы баймакъ болса да, юйде къалмаз!
- Бетинги сатма, малынгы сат.
- Къалгъан ишге къар джауар.
- Элге къуллукъ этмеген, элге ие болмаз.
- Адам боллукъ, атламындан белгили болур.
- Аллахдан тилесенг, кёб тиле.
- Махтаннган къыз, тойда джукълар.
- Къонагъы джокъну – шоху джокъ.
- Тёгюлген тюгел джыйылмайды.
- Джыгъылгъанны сырты джерден тоймаз.
- Къыз тиширыу кеси юйюнде да къонакъды.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72