- Къыйынлы джети элни къайгъысын этер.
- Алгъанда – джууукъ, бергенде – джау.
- Къызбайны юйюне дери сюрсенг, батыр болур.
- Адебсиз адам – джюгенсиз ат.
- Суу кетер, таш къалыр.
- Биреуню тёрюнден, кесинги эшик артынг игиди.
- Рысхы – сют юсюнде кёмюк кибикди.
- Таукел тауну аудурур.
- Джарлы эскисин джамаса, къууаныр.
- Тас болгъан бычакъны сабы – алтын.
- Айтхан сёзюне табылгъан.
- Сагъыш – къартлыкъгъа сюйюмчю.
- Биреуге аманлыкъны тилеме да, кесинге ашхылыкъны тиле.
- Аджаллыгъа окъсуз шкок атылыр.
- Башда акъыл болмаса, эки аякъгъа кюч джетер.
- Аман эсирсе, юйюн ояр.
- Сёлеш деб шай берген, тохта деб, сом берген.
- Билимден уллу байлыкъ джокъду.
- Танг атмайма десе да, кюн къоярыкъ тюйюлдю.
- Ауругъаннга – кийик саулукъ, джетген къызгъа – чилле джаулукъ.
- Джюз элде джюз ёгюзюм болгъандан эсе, джюз джууугъум болсун.
- Телиге акъыл салгъандан эсе, ёлгеннге джан салырса.
- Эртде тургъан джылкъычыны эркек аты тай табар.
- Сакъ юйюне сау барыр.
- Башсыз урчукъ тюзюне айланмаз.
- Джангызны оту джарыкъ джанмаз!
- Къарт айтханны этмеген, къартаймаз.
- Хар адамгъа кеси миннген тау кибик.
- Иги адамны бир сёзю эки болмаз.
- Атлыны кёрсе, джаяуну буту талыр.
- Намыс болмагъан джерде, насыб болмаз.
- Джыйырма къойну юч джыйырма эбзе кюте эди.
- Тамырсыз терекге таянма – джыгъылырса.
- Чарсда алчыны эл кёреди.
- Сютден ауузу кюйген, суугъа юфгюре эди.
- Тил бла келеди джыр да.
- Аманнга игилик этсенг, юйюнге сау бармазса.
- Баш – акъыл ючюн, акъылман – халкъ ючюн.
- Аурууну келиую тынч, кетиую – къыйын.
- Джахил болса анасы, не билликди баласы?
- Дуния аламаты сен эсенг да, игиме деб айтма.
- Тулпарлыкъ, билекден тюл – джюрекден.
- Кёлсюзден сёзсюз тууар.
- Къоркъакъны кёзю экили кёрюр.
- Айраннга суу къош, телиге джол бош.
- Келинин тута билмеген, къул этер, къызын тута билмеген, тул этер.
- Биреуню эскиси биреуге джангы болмайды.
- Ариу сёзде ауруу джокъ.
- Соргъан айыб тюлдю, билмеген айыбды.
- Ач – эснер, ат – кишнер.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72