- Термилгенинги табмазса, кюлгенинге тюберсе.
- Къызын тута билмеген, тул этер, джашын тута билмеген, къул этер.
- Хар адамгъа кеси миннген тау кибик.
- Ойнай-ойнай кёз чыгъар.
- Алгъанда – джууукъ, бергенде – джау.
- Адеби болмагъан къыз – тузсуз хант.
- Тик ёргени, тик энгишгеси да болады.
- Иги адамны бир сёзю эки болмаз.
- Бек анасы джыламаз.
- Чыбыкълыкъда бюгюлмеген, къазыкълыкъда бюгюлмей эди.
- Ачылгъан эт джабылыр, кёрген кёз унутмаз.
- Сакъалы текени да бар, мыйыгъы киштикни да бар.
- Уллу къазанда бишген эт, чий къалмаз.
- Тилчиден кери бол.
- Окъугъанны бети джарыкъ.
- Ауругъанны сау билмез, ач къарынны токъ билмез.
- Къралынгы – душмандан, башынгы от бла суудан сакъла.
- Алтыда кюлмеген, алтмышда кюлмез.
- Юре билмеген ит, къонакъ келтирир.
- Джашынгы кесинг юретмесенг, джашау юретир.
- Ётюрюкню къуйругъу – бир тутум.
- Бюгюн дуния кибик, тамбла ахыратды.
- Къонакъ хазыр болгъанлыкъгъа, къонакъбай хазыр тюлдю.
- Адеб джокъда, намыс джокъ.
- Бойнуму джети джерден кессенг да, мен ол ишни этеллик тюлме.
- Атынг аманнга чыкъгъандан эсе, джанынг тамагъынгдан чыкъсын.
- Чакъырылгъанны аты, чакъырылмагъанны багъасы болур.
- Келгинчи, къонакъ уялыр, келгенден сора, къонакъбай уялыр.
- Эки итни арасына сюек атма, эки адамны арасында сёз чыгъарма.
- Сагъышы джокъ – джукъучу, акъылы джокъ – къаугъачы.
- Чакъырылмагъан къонакъ тёрге атламаз.
- Аманнга алтын чыдамаз.
- Тулпарлыкъ, билекден тюл – джюрекден.
- Соргъан айыб тюлдю, билмеген айыбды.
- Тюкюрюк баш джармаз, налат кёз чыгъармаз!
- Кийим тукъум сордурур.
- Билимсиз иш бармаз.
- Ашарыкъда сайлагъаннга – чий гырджын.
- Билмейме деген – бир сёз
- Таугъа чыгъаллыкъ эсенг, тюзде къалма.
- Окъугъан – асыу, окъумагъан – джарсыу.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Ёлген ийнек сютлю болур.
- Таякъ этден ётер, тил сюекден ётер.
- Намысы джокъну – дуниясы джокъ.
- Тил – кесген бычакъ, сёз – атылгъан окъ.
- Тёгюлген тюгел джыйылмайды.
- Акъыл аздырмаз, билим тоздурмаз.
- Ач къалгъандан, кеч къалгъан къолай.
- Тыш элде солтан болгъандан эсе, кесинги элде олтан болгъан игиди!
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72