- Ат басханны джер билед.
- Дуния аламаты сен эсенг да, игиме деб айтма.
- Зарда марда джокъ.
- Сютню башын джалагъан къутулур, тюбюн ичген тутулур.
- Орну джокъну – сыйы джокъ.
- Ёлген ийнек сютлю болур.
- Ариу сёз – джаннга азыкъ, аман сёз – башха къазыкъ.
- Асхат ашлыкъ сата, юйдегиси ачдан къата.
- Кёпюр салгъан кеси ётер, уру къазгъан кеси кетер.
- Агъач халкъгъа алтынды, иссиликге салкъынды.
- Кимни – тили, тиши онглу, кимни – къолу, иши онглу.
- Таукел адам тау тешер.
- Тас болгъан бычакъны сабы – алтын.
- Арыгъан къош чамчы болур.
- Ауругъанны сау билмез, ач къарынны токъ билмез.
- Къыз чыгъаргъан – къызыл къымжа.
- Чомарт джарлы болмаз.
- Аджал соруб келмез, келсе, къайтыб кетмез.
- Чыбыкълыкъда бюгюлмеген, къазыкълыкъда бюгюлмей эди.
- Адам боллукъ, атламындан белгили болур.
- Джол бла сёзню къыйыры джокъ.
- Къарнынг бла ёч алма.
- Бет бетге къараса, бет да джерге къарар.
- Атынг аманнга чыкъгъандан эсе, джанынг тамагъынгдан чыкъсын.
- Телиге акъыл салгъандан эсе, ёлгеннге джан салырса.
- Накъырданы арты керти болур.
- Ауузу бла къуш тута айланады.
- Юйюнг бла джау болгъандан эсе, элинг бла джау бол.
- Уясында не кёрсе, учханында аны этер.
- Эки элинги тыйсанг, джети элде махталырса.
- Айтханы чапыракъдан ётмеген.
- Ач отунчуну ачыуу – бурнунда.
- Алма терегинден кери кетмез.
- Экиндини кеч къылсанг, чабыб джетер ашхам.
- Эки ойлашыб, бир сёлешген.
- Садакъачыны джаны – къапчыгъында.
- Джогъун бар этген, барын бал этген.
- Сагъыш – къартлыкъгъа сюйюмчю.
- Терслик кетер, тюзлюк джетер.
- Кюлме джашха – келир башха.
- Ёгюзню мюйюзлери ауурлукъ этмейдиле.
- Баланы адам этген анады.
- Акъыл аздырмаз, билим тоздурмаз.
- Тилсиз миллет джокъ болур.
- Иги адамны бир сёзю эки болмаз.
- Эркишиге тары кебек танг кёрюнюр.
- Игиге айтсанг – билир, аманнга айтсанг – кюлюр.
- Тилчиден кери бол.
- Эки къатын алгъанны къулагъы тынгнгаймаз.
- Уллу атлама – абынырса, уллу къабма – къарылырса.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72