- Ханнга да келеди хариблик.
- Чакъырылмагъан къонакъ къачан кетерин сормаз.
- Дуния малгъа сатылма, кесингден телиге къатылма.
- Ишлегенде эринме, ишде чолакъ кёрюнме.
- Эллинг бла джау болсанг да, юйюнг бла джау болма.
- Тамырсыз терекге таянма – джыгъылырса.
- Кесине оноу эте билмеген, халкъына да эте билмез.
- Аууздан келген, къолдан келсе, ким да патчах болур эди.
- Айырылгъанланы айю ашар, бёлюннгенлени бёрю ашар.
- Баргъанынга кёре болур келгенинг.
- Алгъанда – джууукъ, бергенде – джау.
- Къумурсхала джыйылсала, пилни да джыгъадыла.
- Минг тенг да азды, бир джау да кёбдю.
- Къайгъыны сюйген, къайгъы табар.
- Чалманны аллы къалай башланса, арты да алай барады.
- Ата Джуртун танымагъан, атасын да танымаз.
- Джиби бир къат джетмей эди да, эки къат тарта эди.
- Адамны бетине къарама, адетине къара.
- Тойгъа алгъа да барма, тойда артха да къалма.
- Юйюнгден чыкъдынг – кюнюнгден чыкъдынг.
- Айтылгъан сёз ызына къайтмаз.
- Байлыкъ болгъан джерде, тынчлыкъ джокъду.
- Къонагъы джокъну – шоху джокъ.
- Аз сёлешген, къайгъысыз турур.
- Тин – байлыгъынг, терен саулугъунг.
- Аманны къуугъан, аманлыкъ табар.
- Таш ата билмеген, башына урур.
- Аш иеси бла татлыды.
- Айранны сюйген, ийнек тутар.
- Акъыллы эркиши атын махтар, акъылсыз эркиши къатынын махтар.
- Чомартха Тейри да борчлуду.
- Ашлыкъ – бюртюкден, джюн – тюкден.
- Иги адам абынса да, джангылмаз.
- Джыланны къуйругъундан басарынг келсе, аны башы болгъанын унутма.
- Сабийни джумушха джибер да, ызындан бар.
- Кёб джашагъан – кёб билир.
- Айран ичген – къутулду, джугъусун джалагъан – тутулду.
- Юй ишлеген балта эшикде къалыр.
- Ёксюзню тилеги къабыл болур.
- Тёгюлген тюгел джыйылмайды.
- Алма терегинден кери кетмез.
- Тюзлюк тас болмайды.
- Насыб бютеу халкъны юлюшюдю.
- Ёнгкюч къууана барыр, джылай келир.
- Чомарт къолда мал къалмаз.
- Сютню башын джалагъан къутулур, тюбюн ичген тутулур.
- Чарсда алчыны эл кёреди.
- Къартны сыйын кёрмеген, къартлыгъында сыйлы болмаз.
- Адамны сыфатына къарама, сёзюне къара.
- Биреуню тёрюнден, кесинги эшик артынг игиди.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72