- Ойнаб айтсанг да, эслеб айт.
- Ашхы болсанг, атынг чыгъар, аман болсанг, джанынг чыгъар.
- Кийим тукъум сордурур.
- Мен да «сен», дейме, сен да «кесим», дейсе.
- Бал ашаргъа сюе эсенг, чибин ургъаннга тёз.
- Кёзю сокъурдан – къоркъма, кёлю сокъурдан – къоркъ.
- Шекер бла туз – бир болмаз, ушамагъан – юй болмаз.
- Аманны тукъумуна къарама, игини тукъумун сорма.
- Аз сёлешген, къайгъысыз турур.
- Огъурлуну сёзю – суу, огъурсузну сёзю – уу.
- Юй ишлеген балта эшикде къалыр.
- Аманны эки битли тону болур, бирин сеннге кийдирир, бирин кеси киер.
- Бал – татлы, балдан да бала – татлы.
- Ач да бол, токъ да бол – намысынга бек бол.
- Джумушакъ терекни къурт ашар.
- Юйюнгден чыкъдынг – кюнюнгден чыкъдынг.
- Сабыр джетер муратха, сабырсыз къалыр уятха.
- Аджаллыгъа окъсуз шкок атылыр.
- Биреуню эскиси биреуге джангы болмайды.
- Ичимден чыкъды хата, къайры барайым сата?
- Къарнынг ауруса, ауузунгу тый
- Тамбла алтындан бюгюн багъыр ашхы.
- Окъ къызбайны джокълайды.
- Джарлы эскисин джамаса, къууаныр.
- Акъыл аздырмаз, билим тоздурмаз.
- Таугъа чыгъаллыкъ эсенг, тюзде къалма.
- Тас болгъан бычакъны сабы – алтын.
- Мураты болгъанны джюрек тебюую башхады.
- Эркиши – от, тиширыу – суу.
- Ашыкъгъан cуу, тенгизге джетмез.
- Къонакъ аз олтурур, кёб сынар.
- Ёпкелегенни ашы татлы болады.
- Къонакъ аман болса, къонакъбай джунчур
- Телини эшигин, махтау джабар.
- Аурууну келиую тынч, кетиую – къыйын.
- Тенгинг джокъ эсе – изле, бар эсе – сакъла!
- Аш берме да, къаш бер.
- Эртде тургъан бла эртде юйленнген сокъуранмаз.
- «Ма», - дегенни билмесенг, «бер», - дегенни билмезсе.
- Чомартны къолун джокълукъ байлар.
- Адамгъа аман кюн соруб келмейди.
- Суу ичген шауданынга тюкюрме.
- Ауругъан – джашаудан умутчу.
- Джаханимни кёрмей, джандетге кёл салмазса.
- Хансыз джомакъ болмаз.
- Эрни эр этерик да, къара джер этерик да, тиширыуду.
- Махтаннган къыз, тойда джукълар.
- Къайгъыны сюйген, къайгъы табар.
- Кёзню ачылгъаны – иги, ауузну джабылгъаны – иги.
- Ашда уялгъан – мухар, ишде уялгъан – хомух.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72