- Айтханы чапыракъдан ётмеген.
- Бёрю да ач къалмасын, эчки да ашалмасын.
- Рысхы – насыбха къор.
- Ашаса, ашамаса да, бёрюню ауузу – къан.
- Кюн – узун, ёмюр – къысха.
- Аманны эки битли тону болур, бирин сеннге кийдирир, бирин кеси киер.
- Къозулугъунда тоймагъан, къойлугъунда тоймаз.
- Джукъу тёшек сайламайды.
- Ёксюзню тилеги къабыл болур.
- Ариу – кёзге, акъыл – джюрекге.
- Насыб бютеу халкъны юлюшюдю.
- Билим – акъылны чырагъы.
- Экеулен сёлеше тура эселе, орталарына барыб кирме.
- Джырына кёре эжиую.
- Мал ёлсе, сюек къалыр, адам ёлсе, иши къалыр.
- Ата – билек, ана – джюрек!
- Таула не мийик болсала да, аууш табылыр.
- Рысхы – сют юсюнде кёмюк кибикди.
- Аманны тукъумуна къарама, игини тукъумун сорма.
- Адам къаллай бир ишленмесе, аллай бир кесин уллу кёреди.
- Чомарт бергенин айтмаз.
- Джаханимни кёрмей, джандетге кёл салмазса.
- Ким бла джюрюсенг, аны кёзю бла кёрюнюрсе.
- Керек ташны ауурлугъу джокъ.
- Джангыз терек къынгыр ёсер.
- Аманны къуугъан, аманлыкъ табар.
- Ариу сёз джыланны орнундан чыгъарыр.
- Къууут – джелге, берне – бошха.
- Ариуну – ауруу кёб.
- Игиге айтсанг – билир, аманнга айтсанг – кюлюр.
- Окъуусуз билим – джокъ, билимсиз кюнюнг – джокъ.
- Ётюрюкчюню шагъаты – къатында.
- Кёбню кёрген – кёб билир.
- Аз сёлеш, кёб ишле.
- Чарсда алчыны эл кёреди.
- Ёлген ийнек сютлю болур.
- Къыйынлы джети элге оноу этер.
- Мухар, кеси тойса да, кёзю тоймаз.
- Аллахха ийнаннган кишини, Аллах онгдурур ишин.
- Джаралыны джастыгъында сау ёлюр.
- Кесинге джетмегенни, кёб сёлешме.
- Ушамагъан – джукъмаз.
- Джеринден айырылгъан – джети джылар, джуртундан айырылгъан – ёлгюнчю джылар.
- Аманнга игилик этсенг, юйюнге сау бармазса.
- Хазыр ашха – терен къашыкъ.
- Чомарт къонакъ юй иесин сыйлар.
- Адебсиз адам – джюгенсиз ат.
- Таукелге нюр джауар.
- Ашхы болсанг, атынг чыгъар, аман болсанг, джанынг чыгъар.
- Къарнынг бла ёч алма.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72