- Накъырданы арты керти болур.
- Алтыннга тот къонмаз.
- Ётген ёмюр – акъгъан суу.
- Кёбню кёрген – кёб билир.
- Таукел адам тау тешер.
- Биреуню эскиси биреуге джангы болмайды.
- Сёз сёзню айтдырыр.
- Джауумдан сора, кюн кюйдюрюр, ётюрюкден сора, айыб кюйдюрюр.
- Джолда аягъынга сакъ бол, ушакъда тилинге сакъ бол.
- Ёлмесенг да, къарт дамы болмазса?
- Намыс болмагъан джерде, насыб болмаз.
- Бал – татлы, балдан да бала – татлы.
- Этни бети бла шорпасы.
- Келинин тута билмеген, къул этер, къызын тута билмеген, тул этер.
- Сабыр джетер муратха, сабырсыз къалыр уятха.
- Кюн кёрмеген, кюн кёрсе, кюндюз чыракъ джандырыр.
- Байны къызы баймакъ болса да, юйде къалмаз!
- Ачылгъан эт джабылыр, кёрген кёз унутмаз.
- Ёлюк кебинсиз къалмаз.
- Ариу сёз джыланны орнундан чыгъарыр.
- Джигер – джаннга къыйынлыкъ.
- Джети тилни билген джети кишиди.
- Аманнга да, игиге да оноусуз къатышма.
- Чомарт къонакъ юй иесин сыйлар.
- Абынмазлыкъ аякъ джокъ, джангылмазлыкъ джаякъ джокъ.
- Бал чибинни ургъаны – ачы, балы – татлы.
- Кёзю сокъурдан – къоркъма, кёлю сокъурдан – къоркъ.
- Тилсиз миллет джокъ болур.
- Арба аугъандан сора, джол кёргюзтюучю кёб болур.
- Тешигини къатында, чычхан да батыр болур.
- Мал ёлсе, сюек къалыр, адам ёлсе, иши къалыр.
- Таякъ этден ётер, тил сюекден ётер.
- Келгинчи, къонакъ уялыр, келгенден сора, къонакъбай уялыр.
- Ишни ахырын ойламай, аллын башлама.
- Айран ичген – къутулду, джугъусун джалагъан – тутулду.
- Къарт болгъан джерде, берекет болур, сабий болгъан джерде, оюн болур.
- Агъач халкъгъа алтынды, иссиликге салкъынды.
- Тынгылагъан тынгы бузар.
- Сакъ юйюне сау барыр.
- Ата – билек, ана – джюрек!
- Чалманны аллы къалай башланса, арты да алай барады.
- Аман киши кеси юйюнде – къонакъ.
- Суу ичген шауданынга тюкюрме.
- Джерни букъусу кёкге къонмаз.
- Суу да къайтады чыкъгъан джерине.
- Джан саулукъ бермей, сан саулукъ бермезсе.
- Айранын берсенг, челегин да къызгъанма.
- Намыс сатылыб алынмайды.
- Ишлегенден, къарагъан уста.
- Джангыз торгъай джырламаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72