- Чёбню кёлтюрсенг, тюбюнден сёз чыгъар.
- Кёлю джокъну – джолу джокъ.
- Башланнган иш битер, къымылдагъан тиш тюшер.
- Ариу сёз джыланны орнундан чыгъарыр.
- Тулпарлыкъ, билекден тюл – джюрекден.
- Кесине оноу эте билмеген, халкъына да эте билмез.
- Къумурсхала джыйылсала, пилни да джыгъадыла.
- Аман къатын алгъан, арыр, иги къатын алгъан джарыр.
- Ашхылыкъ джерде джатмайды, аманлыкъ суугъа батмайды.
- Байдан умут эте, джарлыдан ёгюз багъасы къорады.
- Келгинчи, къонакъ уялыр, келгенден сора, къонакъбай уялыр.
- Кийимни бичсенг, кенг бич, тар этген къыйын тюлдю.
- Юреннген ауруу къалмаз.
- Узун джолну барсанг, бюгюн келирсе, къысха джолну барсанг, тамбла келирсе.
- Адамны сабийин сюйген джюреги, бычакъча, джитиди.
- Битмегеннге сакъал – танг.
- Ата Джуртуму башы болмасам да, босагъасында ташы болайым.
- Бетинги сатма, малынгы сат.
- Джигер – джаннга къыйынлыкъ.
- Ач къарным, тынч къулагъым.
- Адеб джокъда, намыс джокъ.
- Шайтан алдады, тюзлюк къаргъады.
- Ишни аллы бла къууанма да, арты бла къууан.
- Билим къая тешер.
- Кюл тюбюндеги от кёрюнмейди.
- Ишлемеген – тишлемез.
- Билген билмегенни юретген адетди.
- Уллу айтханны этмеген – уллаймаз.
- Татлы тилде – сёз ариу, чемер къолда – иш ариу.
- Сагъышы джокъ – джукъучу, акъылы джокъ – къаугъачы.
- Мал кёб болса, джууукъ кёб болур.
- Адам туугъан джеринде, ит тойгъан джеринде.
- Юйюнгден чыкъдынг – кюнюнгден чыкъдынг.
- Тойну къарнашы – харс, джырны къарнашы – эжиу.
- Кютгени беш эчки, сызгъыргъаны уа, джерни джарады.
- Босагъа таш юйге кирмей эди, тыбыр таш эшикге чыкъмай эди.
- Бойнуму джети джерден кессенг да, мен ол ишни этеллик тюлме.
- Эртде тургъан бла эртде юйленнген сокъуранмаз.
- Адебсиз адам – джюгенсиз ат.
- Къобан да къуру да къобханлай турмайды, адам да къуру да патчахлай турмайды.
- Тил – миллетни джаны.
- Тин – байлыгъынг, терен саулугъунг.
- Экеулен сёлеше тура эселе, орталарына барыб кирме.
- Ата Джуртча джер болмаз, туугъан элча эл болмаз.
- Намыс сатылыб алынмайды.
- Сакъламагъан затынга джолукъсанг, не бек къууанаса, не бек ачыйса.
- Билим ат болуб да чабар, къуш болуб да учар.
- Къолу уллу – асыу, аягъы уллу – джарсыу.
- Ауругъан – джашаудан умутчу.
- Ёлмесенг да, къарт дамы болмазса?
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72