- Арыгъан къош чамчы болур.
- Гырджын – тепсини тамадасы.
- Нарт сёз – тилни бети.
- Хар ишни да аллы къыйынды.
- Билмезни кёзю кёрмез, этмезни къулагъы эшитмез.
- Азыгъы аз, алгъа къабар, аты аман, алгъа чабар.
- Чакъырылмагъан къонакъ – орунсуз.
- Окъугъанны бети джарыкъ.
- Аман хансны – урлугъу кёб.
- Алтыннга тот къонмаз.
- Таякъ этден ётер, тил сюекден ётер.
- Къарт бла баш аша, джаш бла аякъ аша.
- Адамны адамлыгъы къыйынлыкъда айгъакъланады.
- Ауругъаннга – кийик саулукъ, джетген къызгъа – чилле джаулукъ.
- Ургъан суудан башынгы сакъла.
- Джырчы джырчыгъа – къарнаш.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Джигер – джаннга къыйынлыкъ.
- Эм уллу байлыкъ – джан саулукъ.
- Къартха ушагъан джаш – акъыллы, джашха ушагъан къарт – тели.
- Ашарыкъда сайлагъаннга – чий гырджын.
- Къуллукъчума, деб махтанма, къуллукъ – хаух джамчыды!
- Башсыз урчукъ тюзюне айланмаз.
- Джарлы тюеге минсе да, ит къабар.
- Мураты болгъанны джюрек тебюую башхады.
- Байлыкъдан саулукъ ашхыды.
- Эл ауузу – элия.
- Элиб деген, элге болушур.
- Эки ойлашыб, бир сёлешген.
- Чакъырылмагъан къонакъ къачан кетерин сормаз.
- Биреуню эскиси биреуге джангы болмайды.
- Иги сеники эсе да, сюйген кесимикин этеме.
- Ана – юйню кюн джарыгъы.
- Къазанда болса, чолпугъа чыгъар.
- Дуния аламаты сен эсенг да, игиме деб айтма.
- Къайтырыкъ эшигинги, къаты уруб чыкъма.
- Ашатыргъа иш – ашхы, ишлетирге аш – ашхы.
- Ышармагъан – кюлмез, кюлмеген – къууанчны билмез.
- Ишлегенден, къарагъан уста.
- Джукъу тёшек сайламайды.
- Къарнынг ауруса, ауузунгу тый
- Иги сёз – джаннга азыкъ, аман сёз башха – къазыкъ.
- Ариу сёз джыланны орнундан чыгъарыр.
- Ашхы – джыяр, аман – джояр.
- Игиге айтсанг – билир, аманнга айтсанг – кюлюр.
- Адам сёзюнден белгили.
- Оюмсуз атлагъан, аджалсыз ёлюр.
- Алма терегинден кери кетмез.
- Юйюнг бла джау болгъандан эсе, элинг бла джау бол.
- Акъдан къара болмаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72