- Таукелге нюр джауар.
- Джогъун бар этген, барын бал этген.
- Эки итни арасына сюек атма, эки адамны арасында сёз чыгъарма.
- Термилгенинги табмазса, кюлгенинге тюберсе.
- Ёзденликни джайгъан – джокълукъ.
- Ётюрюкню башын керти кесер.
- Чакъырылмагъан джерге барма, чакъырылгъан джерден къалма.
- Бек ашыкъгъан меннге джетсин, дегенди аракъы.
- Урунуу – насыбны анасы.
- Адамны бетине къарама, адетине къара.
- Къая джолда джортма, ачыкъ сёзден къоркъма.
- Къызны минг тилер, бир алыр.
- Билим – акъылны чырагъы.
- Халкъгъа джарагъан, джарлы къалмаз.
- Алтыннга тот къонмаз.
- Тик ёргени, тик энгишгеси да болады.
- Къошда джокъгъа – юлюш джокъ.
- Адамгъа аман кюн соруб келмейди.
- Ариу сёзде ауруу джокъ.
- Кесине оноу эте билмеген, халкъына да эте билмез.
- Къайгъыны сюйген, къайгъы табар.
- Ариу сёз – къылычдан джити.
- Къызбайны юйюне дери сюрсенг, батыр болур.
- Кёрмегеннге кебек – танг, битмегеннге сакъал – танг.
- Бетинги сатма, малынгы сат.
- Байлыкъ келсе, акъыл кетер.
- Джолда аягъынга сакъ бол, ушакъда тилинге сакъ бол.
- Башынга джетмегенни сорма.
- Эки къатын алгъан – эки ташны ортасына башын салгъан.
- Рысхы джалгъанды: келген да этер, кетген да этер.
- Айтхан – тынч, этген – къыйын.
- Къулакъдан эсе, кёзге ышан.
- Рысхы – сют юсюнде кёмюк кибикди.
- Уллу къазанда бишген эт, чий къалмаз.
- Ишлегенден, къарагъан уста.
- Ариу – кёзге, акъыл – джюрекге.
- Ётюрюкню къуйругъу – бир тутум.
- Аман адам элни бир-бирине джау этер.
- Джарлыны тону джаз битер.
- Азыкълы ат арымаз, къатыны аман джарымаз.
- Чомартны къолу берекет.
- Рысхы – насыбха къор.
- Адеб базарда сатылмаз.
- Къонагъынгы артмагъын алма да, алгъышын ал.
- Урама да – ёледи, сатама да – келеди.
- Иги сеники эсе да, сюйген кесимикин этеме.
- Биреу къой излей, биреу той излей.
- Дууулдаса – бал чибин, къонса – къара чибин.
- Этим кетсе да, сюегим къалыр.
- Адам къыйынлыгъын кёлтюрюр, зауукълугъун кёлтюрмез.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72