- Ёксюзню тилеги къабыл болур.
- Джыгъылгъанны сырты джерден тоймаз.
- Аджаллыгъа окъсуз шкок атылыр.
- Байлыкъ тауусулур, билим тауусулмаз.
- Джангыз терек къынгыр ёсер.
- Алгъанда – джууукъ, бергенде – джау.
- Чарсда алчыны эл кёреди.
- Этни да ашады, бетни да ашады.
- Ишге юренсин къоллары, халкъ бла болсун джоллары.
- Ашлыкъны арба юйге келтирир, чана базаргъа элтир.
- Тойну къарнашы – харс, джырны къарнашы – эжиу.
- Кёзден кетген, кёлден да кетеди.
- Намысы болмагъанны, сыйы болмаз.
- Босагъа таш юйге кирмей эди, тыбыр таш эшикге чыкъмай эди.
- Билим къая тешер.
- Хар зат кесини орнуна иги.
- Аллахдан тилесенг, кёб тиле.
- Джюрекге ариу – кёзге да ариу.
- Адебни адебсизден юрен.
- Тил – кесген бычакъ, сёз – атылгъан окъ.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Насыб бютеу халкъны юлюшюдю.
- Байлыкъдан саулукъ ашхыды.
- Кёл ашады да, кеси ашады.
- Акъыл неден да кючлюдю.
- Айранын берсенг, челегин да къызгъанма.
- Къая джолда джортма, ачыкъ сёзден къоркъма.
- Акъыл къартда, джашда тюйюлдю – башдады.
- Къыз келсе, джумуш эте келеди, къатын келсе, ушакъ эте келеди.
- Тойгъан джерге джети къайт.
- Керек ташны ауурлугъу джокъ.
- Аманны тукъумуна къарама, игини тукъумун сорма.
- Таш бла ургъанны, аш бла ур.
- Орундукъ тюбюнде атылсам да, орта джиликме, де да айлан.
- Акъыл бла адеб эгизледиле.
- Ач бёрюге мекям джокъ.
- Къозулугъунда тоймагъан, къойлугъунда тоймаз.
- Бек анасы джыламаз.
- Элге къуллукъ этмеген, элге ие болмаз.
- Урунуу – насыбны анасы.
- «Ма», - дегенни билмесенг, «бер», - дегенни билмезсе.
- Ана къолу ачытмаз.
- Атынг аманнга чыкъгъандан эсе, джанынг тамагъынгдан чыкъсын.
- Элиб деген, элге болушур.
- Сютден ауузу кюйген, суугъа юфгюре эди.
- Тамчы таш тешер.
- Джукъу тёшек сайламайды.
- Зарда марда джокъ.
- Кёбню кёрген – кёб билир.
- Сагъыш – къартлыкъгъа сюйюмчю.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72