- Бир абыннган – минг сюрюнюр.
- Айран ичген – къутулду, джугъусун джалагъан – тутулду.
- Ана къойну – балагъа джандет.
- Джюрекден джюрекге джол барды.
- Ёзденликни кёбю ётюрюк.
- Уясында не кёрсе, учханында аны этер.
- Сагъыш – къартлыкъгъа сюйюмчю.
- Эрни эр этерик да, къара джер этерик да, тиширыуду.
- Ашхы – джыяр, аман – джояр.
- Аурууну келиую тынч, кетиую – къыйын.
- Ата – билек, ана – джюрек!
- Болджал ишни бёрю ашар.
- Аууздан келген, къолдан келсе, ким да патчах болур эди.
- Чоюнну башы ачыкъ болса, итге уят керекди.
- Дженгил джетерикме деб, узун джолну къоюб, къысхасын барма.
- Ашхы болсанг, атынг чыгъар, аман болсанг, джанынг чыгъар.
- Адам къаллай бир ишленмесе, аллай бир кесин уллу кёреди.
- Кёб джашагъан – кёб билир.
- Кёбню кёрген – кёб билир.
- Нафысынгы айтханын этме, намысынгы айтханын эт.
- Артына баргъанны, къатына барма.
- Дууулдаса – бал чибин, къонса – къара чибин.
- Иги сёз – джаннга азыкъ, аман сёз башха – къазыкъ.
- Ачыкъ джюрекге джол – ачыкъ.
- Джашлыкъ этмеген, башлыкъ этмез.
- Тил – миллетни джаны.
- Адамны аманы адамны бети бла ойнар.
- Акъыллы башны – тили къысха.
- Къаллай салам берсенг, аллай джууаб алырса.
- Адамгъа аман кюн соруб келмейди.
- Ашлыкъ – бюртюкден, джюн – тюкден.
- Aдам боллукъ, сыфатындан белгили.
- Къыз келсе, джумуш эте келеди, къатын келсе, ушакъ эте келеди.
- Кёб ант этген, кёб ётюрюк айтыр.
- Кесинг сынамагъан затны, адамгъа буюрма.
- Джуртун къоругъан озар.
- Малны кют, джерни тюрт.
- Аманны къуугъан, аманлыкъ табар.
- Тил джюрекге джол ишлейди.
- Эллинг бла джау болсанг да, юйюнг бла джау болма.
- Къыйынлы джети элни къайгъысын этер.
- Этни да ашады, бетни да ашады.
- Джаш къарыу бла кючлю, къарт акъыл бла кючлю.
- Иги бла джюрюсенг, джетерсе муратынга, аман бла джюрюсенг, къалырса уятха.
- Халкъны джырын джырласанг, халкъ санга эжиу этер.
- Итли къонакъ джарашмаз.
- Тенги кёбню джау алмаз, акъылы кёбню дау алмаз.
- Бет бетге къараса, бет да джерге къарар.
- Экеулен сёлеше тура эселе, орталарына барыб кирме.
- Экиндини кеч къылсанг, чабыб джетер ашхам.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72