- Ариу сёзде ауруу джокъ.
- Сакъ юйюне сау барыр.
- Сибиртки да сыйлы болду, кюрек да кюнлю болду.
- Тёрени джагъы джокъ.
- Ишлегенден, къарагъан уста.
- Эл ауузу – элия.
- Окъуусуз билим – джокъ, билимсиз кюнюнг – джокъ.
- Келинин тута билмеген, къул этер, къызын тута билмеген, тул этер.
- Телиге от эт десенг, юйюнге от салыр.
- Ханы къызы буюгъа-буюгъа киштик болду.
- Бал чибинни ургъаны – ачы, балы – татлы.
- Эркишиге тары кебек танг кёрюнюр.
- Суугъа – таянма, джаугъа – ийнанма.
- Джангыз торгъай джырламаз.
- Адеб базарда сатылмаз.
- Ачыкъ джюрекге джол – ачыкъ.
- Джарлы тюеге минсе да, ит къабар.
- Джыйырма къойну юч джыйырма эбзе кюте эди.
- Уллу айтханны этмеген – уллаймаз.
- Адебни адебсизден юрен.
- Гугук кесини атын айтыб къычыргъанча, мен, мен деб нек тураса?
- Бозанг болмагъан джерге, къалагъынгы сукъма.
- Намысы болмагъанны, сыйы болмаз.
- Сууда джау джокъ, кёб сёзде магъана джокъ.
- Къартха ушагъан джаш – акъыллы, джашха ушагъан къарт – тели.
- Элни кючю – эмеген.
- Тура эдим джата, къайдан чыкъды хата?
- Акъыл къартда, джашда тюйюлдю – башдады.
- Айтылгъан сёз ызына къайтмаз.
- Асхат ашлыкъ сата, юйдегиси ачдан къата.
- Къолунгдан къуймакъ ашатсанг да, атаны борчундан къутулмазса.
- Тойну къарнашы – харс, джырны къарнашы – эжиу.
- Къыз чыгъаргъан – къызыл къымжа.
- Накъырда – кертини келечиси.
- Чабакъгъа акъыл, табагъа тюшсе келеди.
- Джашлыкъ этмеген, башлыкъ этмез.
- Атлыны кёрсе, джаяуну буту талыр.
- Ариу – кёзге, акъыл – джюрекге.
- Адам сёзюнден белгили.
- Эки къатын алгъан – эки ташны ортасына башын салгъан.
- Мен да «сен», дейме, сен да «кесим», дейсе.
- Ата Джуртун танымагъан, атасын да танымаз.
- Ач къарным, тынч къулагъым.
- Джарлы эскисин джамаса, къууаныр.
- Джумушакъ терекни къурт ашар.
- Таукел къуру къалмаз.
- Урама да – ёледи, сатама да – келеди.
- Мухар, кеси тойса да, кёзю тоймаз.
- Ачны эсинде – аш.
- Байлыкъ келсе, акъыл кетер.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72