- Джумушакъ терекни къурт ашар.
- Айтылгъан сёз ызына къайтмаз.
- Элде адам къалмаса, ит тахтагъа минер.
- Онгсузну – джакъла, тенгликни – сакъла.
- Ачны эсинде – аш.
- Тюкюрюк баш джармаз, налат кёз чыгъармаз!
- Джырчы ёлсе, джыры къалыр.
- Байлыкъ болгъан джерде, тынчлыкъ джокъду.
- Чакъырылмай келген къонакъ сыйланмай кетер.
- Аллахха ийнаннган кишини, Аллах онгдурур ишин.
- Бозаны арты дауур болур.
- Уллу сёзде уят джокъ.
- Экеулен сёлеше тура эселе, орталарына барыб кирме.
- Тойгъан антын унутур.
- Элни кючю – эмеген.
- Хар ишни да аллы къыйынды.
- Мухарны эси – ашарыкъда.
- Джан саулукъ бермей, сан саулукъ бермезсе.
- Душманны тышы – акъ, ичи – къара.
- Ётюрюкчюню шагъаты – къатында.
- Джарлыны тону джаз битер.
- Къарны аманнга къазан такъдырма, къолу аманнга от джакъдырма.
- Келинни – келгинчи, бёркню кийгинчи кёр.
- Гитче джилтин уллу элни джандырыр.
- Кёб джат да, бек чаб.
- Ауругъан – джашаудан умутчу.
- Ашарыкъда сайлагъаннга – чий гырджын.
- Тюзню ётмеги тюзде къалса да, тас болмаз.
- Акъыл аздырмаз, билим тоздурмаз.
- Акъыл бла адеб эгизледиле.
- Уясында не кёрсе, учханында аны этер.
- Биреу къой излей, биреу той излей.
- Биреуню тёрюнден, кесинги эшик артынг игиди.
- Кёзню ачылгъаны – иги, ауузну джабылгъаны – иги.
- Аджаллыгъа окъсуз шкок атылыр.
- Тойгъанлыкъ къойгъа джарашады.
- Зарда марда джокъ.
- Къыйынлы джети элге оноу этер.
- Къонакъ аз олтурур, кёб сынар.
- Джашны джигитлиги сорулур, къызны джигерлиги сорулур.
- Къолу уллу – асыу, аягъы уллу – джарсыу.
- Иги сеники эсе да, сюйген кесимикин этеме.
- Тюзлюк шохлукъну бегитир.
- Адамны аманы адамны бети бла ойнар.
- Джырына кёре эжиую.
- Ачылгъан эт джабылыр, кёрген кёз унутмаз.
- Ариу сёз – къылычдан джити.
- Суугъа – таянма, джаугъа – ийнанма.
- Тешигини къатында, чычхан да батыр болур.
- Юйюнг бла джау болгъандан эсе, элинг бла джау бол.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72