Эльбрусоид :: Форум :: Архив форумов

Адамны аманы адамны бети бла ойнар.
«Ёгюз, джаргъа джууукъ барма, меннге джюк боллукъса», - дегенди эшек.
Ойнай билмеген, уруб къачар.
Ичимден чыкъды хата, къайры барайым сата?
Таякъ этден ётер, тил сюекден ётер.
Ариуну – ауруу кёб.
Байлыкъ болгъан джерде, тынчлыкъ джокъду.
Окъугъан озар, окъумагъан тозар.
Ишлегенде эринме, ишде чолакъ кёрюнме.
Ат басханны джер билед.
Къызны минг тилер, бир алыр.
Халкъны джырын джырласанг, халкъ санга эжиу этер.
Керти сёзге тёре джокъ.
Аууз сакълагъан – джан сакълар.
Джаным-тиним – окъуу, билим.
Билгенни къолу къарны джандырыр.
Сибиртки да сыйлы болду, кюрек да кюнлю болду.
Ата – билек, ана – джюрек!
Айраннга суу къош, телиге джол бош.
Тас болгъан бычакъны сабы – алтын.
Кёзню ачылгъаны – иги, ауузну джабылгъаны – иги.
Эл ауузу – элек, анга ийнаннган – халек.
Къаллай салам берсенг, аллай джууаб алырса.
Билимли ёлмез, билимсиз кёрмез.
Ханнга да келеди хариблик.
Тойгъан антын унутур.
Ётген ёмюр – акъгъан суу.
Джырчы ёлсе, джыры къалыр.
Ётюрюкню башын керти кесер.
Кёбню кёрген – кёб билир.
Кийимни бир кюнню аясанг, минг кюннге джарар.
Ашарыкъда сайлагъаннга – чий гырджын.
Ачны эсинде – аш.
Ачыкъ джюрекге джол – ачыкъ.
Эрни эр этерик да, къара джер этерик да, тиширыуду.
Биреуню къыйынлыгъы бла кесинге джол ишлеме.
Алтыннга тот къонмаз.
Байлыкъ келсе, акъыл кетер.
Тилчиден кери бол.
Азыкълы ат арымаз, къатыны аман джарымаз.
Къралынгы – душмандан, башынгы от бла суудан сакъла.
Тик ёргени, тик энгишгеси да болады.
Ким бла джюрюсенг, аны кёзю бла кёрюнюрсе.
Адамны аты башхача, акъылы да башхады.
Къатын байлыкъны сюер, эр саулукъну сюер.
Арба аугъандан сора, джол кёргюзтюучю кёб болур.
Нарт сёз къарт болмаз.
Телиге акъыл салгъандан эсе, ёлгеннге джан салырса.
Къумурсхала джыйылсала, пилни да джыгъадыла.
Чакъырылмагъан джерге барма, чакъырылгъан джерден къалма.

Логин:
Пароль:
	Запомнить меня на этом компьютере

Забыли свой пароль?
Регистрация