- Окъугъанны бети джарыкъ.
- Ашхылыкъ джерде джатмайды, аманлыкъ суугъа батмайды.
- Таш бла ургъанны, аш бла ур.
- Тенгинг джокъ эсе – изле, бар эсе – сакъла!
- Терек ауса, отунчу – кёб.
- Бетинги сатма, малынгы сат.
- Чакъырылмагъан къонакъ – орунсуз.
- Термилгенинги табмазса, кюлгенинге тюберсе.
- Ёлген эшек бёрюден къоркъмайды.
- Ишни аллы бла къууанма да, арты бла къууан.
- Аман киши кеси юйюнде – къонакъ.
- Аманны къуугъан, аманлыкъ табар.
- Акъыл неден да кючлюдю.
- Халкъны юйю – туугъан джери.
- Бюгюн дуния кибик, тамбла ахыратды.
- Минг тенг да азды, бир джау да кёбдю.
- Артына баргъанны, къатына барма.
- Джыгъылгъанны сырты джерден тоймаз.
- Аман адам элни бир-бирине джау этер.
- Хар сёзню орну барды.
- Эл элде бирер малынг болгъандан эсе, бирер тенгинг болсун.
- Уясында не кёрсе, учханында аны этер.
- Элге къуллукъ этмеген, элге ие болмаз.
- Ач, тоймам, дейди, тойгъан, ач болмам, дейди.
- Ичимден чыкъды хата, къайры барайым сата?
- Ач – эснер, ат – кишнер.
- Мураты болгъанны джюрек тебюую башхады.
- Тойгъан джерден туугъан джер игиди.
- Кесине гебен этелмеген, биреуге черен эте эди.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Тёзген – тёш ашар!
- Адеб базарда сатылмаз.
- Джарлы эскисин джамаса, къууаныр.
- Дуния малгъа сатылма, кесингден телиге къатылма.
- Ашарыкъда сайлагъаннга – чий гырджын.
- Хантына кёре тузу, юйюне кёре къызы.
- Ышармагъан – кюлмез, кюлмеген – къууанчны билмез.
- Ач къарным, тынч къулагъым.
- Биреуге аманлыкъны тилеме да, кесинге ашхылыкъны тиле.
- Билим – акъылны чырагъы.
- Ашхы адам – халкъ байлыгъы, ашхы джер – джашау байлыгъы.
- Ханы къызы буюгъа-буюгъа киштик болду.
- Этек чакъмакълары баш джаргъан, сёлешген сёзлери таш джаргъан.
- Тюзлюк шохлукъну бегитир.
- Игилик игилик бла сингдирилиучю затды.
- Джаш къарыу бла кючлю, къарт акъыл бла кючлю.
- Хансыз джомакъ болмаз.
- Къуру гыбыт бек дыгъырдар.
- Тюз сёз баргъан сууну тыяр.
- Ариу сёз – джаннга азыкъ, аман сёз – башха къазыкъ.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72