- Къанны къан бла джуума, аманны аман бла къуума.
- Юреннген ауруу къалмаз.
- Терслик кетер, тюзлюк джетер.
- Джашынгы кесинг юретмесенг, джашау юретир.
- Ач къарынны, токъ билмез
- Юй кюйдю да, кюйюз чыкъды, ортасындан тюйюш чыкъды.
- Тойну къарнашы – харс, джырны къарнашы – эжиу.
- Бал ашаргъа сюе эсенг, чибин ургъаннга тёз.
- Таякъ этден ётер, тил сюекден ётер.
- Бозанг болмагъан джерге, къалагъынгы сукъма.
- Биреуге аманлыкъны тилеме да, кесинге ашхылыкъны тиле.
- Сакъалы текени да бар, мыйыгъы киштикни да бар.
- Ётюрюк хапар аякъ тюбю бла джюрюйдю.
- Къоркъакъны кёзю экили кёрюр.
- Ургъан суудан башынгы сакъла.
- Этни бети бла шорпасы.
- Къонакъ аз олтурур, кёб сынар.
- Хаухну атма, ёнгкючню сатма.
- Билгенни къолу къарны джандырыр.
- Келинни – келгинчи, бёркню кийгинчи кёр.
- Къарнынг къанлынга кийирир.
- Узун джолну барсанг, бюгюн келирсе, къысха джолну барсанг, тамбла келирсе.
- Дженгил джетерикме деб, узун джолну къоюб, къысхасын барма.
- Мураты болгъанны джюрек тебюую башхады.
- Босагъа таш юйге кирмей эди, тыбыр таш эшикге чыкъмай эди.
- Джаз бир кюнню джатсанг, къыш талай кюнню абынырса.
- Насыб бютеу халкъны юлюшюдю.
- Эшекни не къадар тюйсенг да, ат болмаз.
- Булут кёкге джарашыу, уят бетге джарашыу.
- Ана кёлю – балада, бала кёлю – талада.
- Акъыллы – эл иеси, тели – эл баласы.
- Кимни – тили, тиши онглу, кимни – къолу, иши онглу.
- Бичгенде ашыкъма, тикгенде ашыкъ.
- Акъыл бла адеб эгизледиле.
- «Ёгюз, джаргъа джууукъ барма, меннге джюк боллукъса», - дегенди эшек.
- Арыгъан къош чамчы болур.
- Бир онгсуз адам адет чыгъарды, деб эштирик тюлсе.
- Урунуу – насыбны анасы.
- Алтыда кюлмеген, алтмышда кюлмез.
- Таукел адам тау тешер.
- Тёзгеннге, джабылгъан эшик ачылыр.
- Баргъанынга кёре болур келгенинг.
- Ёлген эшек бёрюден къоркъмайды.
- Иги бла джюрюсенг, джетерсе муратынга, аман бла джюрюсенг, къалырса уятха.
- Таула не мийик болсала да, аууш табылыр.
- Тюзлюк тас болмайды.
- Аманны тукъумуна къарама, игини тукъумун сорма.
- Битмегеннге сакъал – танг.
- Окъугъан – асыу, окъумагъан – джарсыу.
- Кирсизни – саны таза, халалны – къаны таза.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72