Эльбрусоид :: Форум :: Архив форумов

Аш кетер да бет къалыр.
Джыгъылгъанны сырты джерден тоймаз.
Минг тенг да азды, бир джау да кёбдю.
Ач да бол, токъ да бол – намысынга бек бол.
Адеб базарда сатылмаз.
Телиге акъыл салгъандан эсе, ёлгеннге джан салырса.
Айтылгъан сёз ызына къайтмаз.
Чабакъсыз кёлге къармакъ салгъанлыкъгъа, чабакъ тутмазса.
Акъыл аздырмаз, билим тоздурмаз.
Бети бедерден, намыс сакълама.
Байлыкъ адамны сокъур этер.
Джаралыны джастыгъында сау ёлюр.
Адамны аманы адамны бети бла ойнар.
Къонакъ болсанг, ийнакъ бол.
Ишлегенден, къарагъан уста.
Мал кёб болса, джууукъ кёб болур.
Джашлыкъ этмеген, башлыкъ этмез.
«Ма», - дегенни билмесенг, «бер», - дегенни билмезсе.
Оюмсуз атлагъан, аджалсыз ёлюр.
Магъанасыз сёз – тауушсуз сыбызгъы.
Чомартны къолун джокълукъ байлар.
Айтхан сёзюне табылгъан.
Кютгени беш эчки, сызгъыргъаны уа, джерни джарады.
Ашын ашагъанынгы, башын да сыйла.
Джуртун къоругъан озар.
Бет бетге къараса, бет да джерге къарар.
Хаухну атма, ёнгкючню сатма.
Кёзден кетген, кёлден да кетеди.
Арбаз сайлама да, хоншу сайла.
Аман киши кеси юйюнде – къонакъ.
Эшекни не къадар тюйсенг да, ат болмаз.
Ата – баланы уясы.
Адам бла мюлк юлешмеген эсенг, ол адамны билиб бошагъанма, деб кесинги алдама.
Хоншуну тауугъу къаз кёрюнюр, келини къыз кёрюнюр.
Хатерли къул болур.
Джангыз торгъай джырламаз.
Бойнуму джети джерден кессенг да, мен ол ишни этеллик тюлме.
Эки ойлашыб, бир сёлешген.
Сыфатында болмагъаны, суратында болмаз.
Байдан умут эте, джарлыдан ёгюз багъасы къорады.
Окъугъан – асыу, окъумагъан – джарсыу.
Чалманны аллы къалай башланса, арты да алай барады.
Ашарыкъда сайлагъаннга – чий гырджын.
Ишни ахырын ойламай, аллын башлама.
Таукел адам тау тешер.
Кенгеш болса, уруш болмаз.
Мадар болса, къадар болур.
Нарт сёз къарт болмаз.
Халкъгъа джарагъан, джарлы къалмаз.
Айырылмаз джууугъунга, унутмаз сёзню айтма.

Логин:
Пароль:
	Запомнить меня на этом компьютере

Забыли свой пароль?
Регистрация