- Эркишиге тары кебек танг кёрюнюр.
- Байлыкъ келсе, акъыл кетер.
- Кюлме джашха – келир башха.
- Эки итни арасына сюек атма, эки адамны арасында сёз чыгъарма.
- Арбаз къынгырды да, ийнек сауалмайма.
- Этни бети бла шорпасы.
- Башы джабылгъан челекге, кир тюшмез.
- Нарт сёз къарт болмаз.
- Элиб деген, элге болушур.
- Иги болса, тамадама – махтау, аман болса, меннге – айыб.
- Чыбыкълыкъда бюгюлмеген, къазыкълыкъда бюгюлмей эди.
- Къанны къан бла джуума, аманны аман бла къуума.
- Орну джокъну – сыйы джокъ.
- Билеги кючлю, бирни джыгъар, билими кючлю, мингни джыгъар.
- Ашхы адам – халкъ байлыгъы, ашхы джер – джашау байлыгъы.
- Тели турса – той бузар.
- Бичгенде ашыкъма, тикгенде ашыкъ.
- Къызгъанчдан ычхыныр, мухардан ычхынмаз.
- Ётюрюк хапар аякъ тюбю бла джюрюйдю.
- Аз сёлешген, къайгъысыз турур.
- Хаухну атма, ёнгкючню сатма.
- Сакъалы текени да бар, мыйыгъы киштикни да бар.
- Къонакъ аман болса, къонакъбай джунчур
- Кийимни бичсенг, кенг бич, тар этген къыйын тюлдю.
- Уллу суу бла уллу ауруудан башынгы сакъла.
- Ойнаб айтсанг да, эслеб айт.
- Чакъырылмагъан къонакъ – орунсуз.
- Къонакъ аз олтурур, кёб сынар.
- Эл бла кёргенинг эрелей.
- Азыкълы ат арымаз, къатыны аман джарымаз.
- Рысхы – сют юсюнде кёмюк кибикди.
- Акъыл къартда, джашда тюйюлдю – башдады.
- Къонакъ болсанг, ийнакъ бол.
- Таукел тауну аудурур.
- Рысхысына кёре, джаш ёсер, къышлыгъына кёре, мал ёсер.
- Аманны къуугъан, аманлыкъ табар.
- Къралынгы – душмандан, башынгы от бла суудан сакъла.
- Зар адам ашынгы ашар, кесинги сатар.
- Тамчы таш тешер.
- Ёмюрлюк шохлукъну джел элтмез.
- Ач уят къоймаз.
- Борчунг бар эсе, хурджунунга ойлаб узал.
- Аман адамны тепсинге олтуртсанг, къызынгы тилер.
- Биреуню къыйынлыгъы бла кесинге джол ишлеме.
- Суу ичген шауданынга тюкюрме.
- Акъыллы эркиши атын махтар, акъылсыз эркиши къатынын махтар.
- Ариу джол аджал келтирмез.
- Чомарт бергенин айтмаз.
- Ана къойну – балагъа джандет.
- Экиндини кеч къылсанг, чабыб джетер ашхам.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72