- Ёлюр джаннга, ёкюл джокъ.
- Кёб джашагъан – кёб билир.
- Алтыда кюлмеген, алтмышда кюлмез.
- Къуллукъчума, деб махтанма, къуллукъ – хаух джамчыды!
- Тойну къарнашы – харс, джырны къарнашы – эжиу.
- Мадар болса, къадар болур.
- Накъырданы арты керти болур.
- Тешигини къатында, чычхан да батыр болур.
- Джетген къыз джерли эшекни танымаз.
- Аш берме да, къаш бер.
- Ариу сёзде ауруу джокъ.
- Ойнаб айтсанг да, эслеб айт.
- Джангыз торгъай джырламаз.
- Суугъа – таянма, джаугъа – ийнанма.
- Ариу – кёзге, акъыл – джюрекге.
- Чомартны къолун джокълукъ байлар.
- Нарт сёз къарт болмаз.
- Бет бетге къараса, бет да джерге къарар.
- Кёлю джокъну – джолу джокъ.
- Джыйырма къойну юч джыйырма эбзе кюте эди.
- Къарнынг ауруса, ауузунгу тый
- Рысхы – насыбха къор.
- Элиб деген, элге болушур.
- Джукъу тёшек сайламайды.
- Тюзню ётмеги тюзде къалса да, тас болмаз.
- Джумушакъ сёз къаты таякъны сындырыр.
- Аман эсирсе, юйюн ояр.
- Ёлген ийнек сютлю болур.
- Экиндини кеч къылсанг, чабыб джетер ашхам.
- Окъугъан озар, окъумагъан тозар.
- Огъурлуну сёзю – суу, огъурсузну сёзю – уу.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Джерни букъусу кёкге къонмаз.
- Этни бети бла шорпасы.
- Суу да къайтады чыкъгъан джерине.
- Таш бла ургъанны, аш бла ур.
- Эр сокъур болсун, къатын тилсиз болсун.
- Шайтан алдады, тюзлюк къаргъады.
- Иши джокъну, сыйы джокъ.
- Къыйынлы джети элни къайгъысын этер.
- Адамны джюреги нени кёрюрге сюйсе, кёзю да аны кёрюрге ёч болады.
- Джылкъыдан – ат чыгъар, тукъумдан – джаш чыгъар.
- Нёгерсизни джолу узун.
- Биреуге аманлыкъ этиб, кесинге игилик табмазса.
- Ётюрюкчюню шагъаты – къатында.
- Къатыны харакетли болса, эри къымсыз болур.
- Татлы сёз – балдан татлы.
- Къайтырыкъ эшигинги, къаты уруб чыкъма.
- Эри аманны, къатыны – аман.
- Малны кют, джерни тюрт.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72