- Халкъны юйю – туугъан джери.
- Мухардан ач ычхынмаз.
- Ишленмеген джаш – джюгенсиз ат, ишленмеген къыз – тузсуз хант.
- Кийим тукъум сордурур.
- Чарсда алчыны эл кёреди.
- Сескекли кесин билдирир.
- Эрни эр этерик да, къара джер этерик да, тиширыуду.
- Кёбге таш атма.
- Бойнуму джети джерден кессенг да, мен ол ишни этеллик тюлме.
- Таула не мийик болсала да, аууш табылыр.
- Окъугъанны бети джарыкъ.
- Тёгюлген тюгел джыйылмайды.
- Баш – акъыл ючюн, акъылман – халкъ ючюн.
- Аман къатын сабий табса, бий болур…
- Ата Джуртча джер болмаз, туугъан элча эл болмаз.
- Адам къаллай бир ишленмесе, аллай бир кесин уллу кёреди.
- Ашатыргъа иш – ашхы, ишлетирге аш – ашхы.
- Аманнга алтын чыдамаз.
- Уллу сёлешме да, уллу къаб.
- Иги – алгъыш этер, аман – къаргъыш этер.
- Малны кют, джерни тюрт.
- Ойнай-ойнай кёз чыгъар.
- Кирсизни – саны таза, халалны – къаны таза.
- Окъуусуз билим – джокъ, билимсиз кюнюнг – джокъ.
- Тилчиден кери бол.
- Тойгъа барсанг, тоюб бар, эски тонунгу къоюб бар.
- Шекер бла туз – бир болмаз, ушамагъан – юй болмаз.
- Къаллай салам берсенг, аллай джууаб алырса.
- Джырчы джырчыгъа – къарнаш.
- Джетген къыз джерли эшекни танымаз.
- Ётюрюкню къуйругъу – бир тутум.
- Къазанчы аман болса, къазаны къайнамаз.
- Иши джокъну, сыйы джокъ.
- Тюзлюк шохлукъну бегитир.
- Аш иеси бла татлыды.
- Айраннга суу къош, телиге джол бош.
- Дуния аламаты сен эсенг да, игиме деб айтма.
- Ач отунчуну ачыуу – бурнунда.
- Урунуу – насыбны анасы.
- Хар зат кесини орнуна иги.
- Билмейме деген – бир сёз
- Аман адам элни бир-бирине джау этер.
- Тешигини къатында, чычхан да батыр болур.
- Аллахха ийнаннган кишини, Аллах онгдурур ишин.
- Тели турса – той бузар.
- Ашхылыкъ джерде джатмайды, аманлыкъ суугъа батмайды.
- Айранны сюйген, ийнек тутар.
- Кёзю сокъурдан – къоркъма, кёлю сокъурдан – къоркъ.
- Билимден уллу байлыкъ джокъду.
- Джолунга кёре – джюрюшюнг, джагъанга кёре – юлюшюнг.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72