- Къартны сыйын кёрмеген, къартлыгъында сыйлы болмаз.
- Сакъалы текени да бар, мыйыгъы киштикни да бар.
- Тешик этген тынчды, аны джамагъан къыйынды.
- Ашлыкъны арба юйге келтирир, чана базаргъа элтир.
- Аман адам элни бир-бирине джау этер.
- Ишге юренсин къоллары, халкъ бла болсун джоллары.
- Суу кетер, таш къалыр.
- Джолунга кёре – джюрюшюнг, джагъанга кёре – юлюшюнг.
- Магъанасыз сёз – тауушсуз сыбызгъы.
- Уллу атлама – абынырса, уллу къабма – къарылырса.
- Ойнай-ойнай кёз чыгъар.
- Айырылгъанланы айю ашар, бёлюннгенлени бёрю ашар.
- Акъыл аздырмаз, билим тоздурмаз.
- Аш берме да, къаш бер.
- Ёлген аслан – сау чычхан.
- Къуллукъчума, деб махтанма, къуллукъ – хаух джамчыды!
- Алим болгъандан эсе, адам болгъан къыйынды.
- Ушамагъан – джукъмаз.
- Аз сёлешген, къайгъысыз турур.
- Ёгюзню мюйюзюнден тутадыла, адамны сёзюнден тутадыла.
- Аш иеси бла татлыды.
- Акъыл къартда, джашда тюйюлдю – башдады.
- Акъылсызны джууукъгъа алма, акъыллыны кенгнге салма.
- Къралынгы – душмандан, башынгы от бла суудан сакъла.
- Кюлме джашха – келир башха.
- Башынга джетмегенни сорма.
- Биреуге аманлыкъ этиб, кесинге игилик табмазса.
- Кёзню ачылгъаны – иги, ауузну джабылгъаны – иги.
- Къонагъынгы артмагъын алма да, алгъышын ал.
- Сескекли кесин билдирир.
- Къарнынг къанлынга кийирир.
- Асхат ашлыкъ сата, юйдегиси ачдан къата.
- Битмегеннге сакъал – танг.
- Бетинги сатма, малынгы сат.
- Кирсизни – саны таза, халалны – къаны таза.
- Къарын къуру болса, джюрек уру болур.
- Чакъырылмагъан къонакъ – орунсуз.
- Джыйырма къойну юч джыйырма эбзе кюте эди.
- Эм уллу байлыкъ – джан саулукъ.
- Абынмазлыкъ аякъ джокъ, джангылмазлыкъ джаякъ джокъ.
- Душманны тышы – акъ, ичи – къара.
- Къонакъ болсанг, ийнакъ бол.
- Киштикге къанат битсе, чыпчыкъ къалмаз эди.
- Адамгъа аман кюн соруб келмейди.
- Экиндини кеч къылсанг, чабыб джетер ашхам.
- Иги сёз – джаннга азыкъ, аман сёз башха – къазыкъ.
- Минг тенг да азды, бир джау да кёбдю.
- Керти сёзге тёре джокъ.
- Сютню башын джалагъан къутулур, тюбюн ичген тутулур.
- Ишлегенден, къарагъан уста.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72