Эльбрусоид :: Форум :: Архив форумов

Кёз – сюйген джерде, къол – ауругъан джерде.
Къоркъакъны кёзю экили кёрюр.
Сакъ юйюне сау барыр.
Ариу – кёзге, акъыл – джюрекге.
Ишге юренсин къоллары, халкъ бла болсун джоллары.
Адам сёзге тынгыла, акъыл сёзню ангыла.
Аманны къуугъан, аманлыкъ табар.
Къайгъыны сюйген, къайгъы табар.
Аш берме да, къаш бер.
Тил джюрекге джол ишлейди.
Иги адам абынса да, джангылмаз.
Джаш къарыу бла кючлю, къарт акъыл бла кючлю.
Тюкюрюк баш джармаз, налат кёз чыгъармаз!
Тик ёргени, тик энгишгеси да болады.
Къобан да къуру да къобханлай турмайды, адам да къуру да патчахлай турмайды.
Сабий болмагъан джерде, мёлек болмаз.
Бал ашаргъа сюе эсенг, чибин ургъаннга тёз.
Сыфатында болмагъаны, суратында болмаз.
Чакъырылгъанны аты, чакъырылмагъанны багъасы болур.
Бал чибинни ургъаны – ачы, балы – татлы.
Къызны минг тилер, бир алыр.
Кийиминг бла танылма, адамлыкъ бла таныл.
Шайтан алдады, тюзлюк къаргъады.
Юй кюйдю да, кюйюз чыкъды, ортасындан тюйюш чыкъды.
Чабакъ башындан чирийди.
Джырына кёре эжиую.
Ауругъаннга – кийик саулукъ, джетген къызгъа – чилле джаулукъ.
Намысы джокъну – дуниясы джокъ.
Тамчы таш тешер.
Мураты болгъанны джюрек тебюую башхады.
Иги сёз – джаннга азыкъ, аман сёз башха – къазыкъ.
Хата – гитчеден.
Хар ишни да аллы къыйынды.
Тёрени джагъы джокъ.
Кюн – узун, ёмюр – къысха.
Ёгюзню мюйюзлери ауурлукъ этмейдиле.
Итли къонакъ джарашмаз.
Аджашхан тёгерек айланыр.
Иги сеники эсе да, сюйген кесимикин этеме.
Ойнай-ойнай кёз чыгъар.
Огъурлуну сёзю – суу, огъурсузну сёзю – уу.
Биреу къой излей, биреу той излей.
Ач къалгъандан, кеч къалгъан къолай.
Асхат ашлыкъ сата, юйдегиси ачдан къата.
Сакъалы текени да бар, мыйыгъы киштикни да бар.
Акъыл аздырмаз, билим тоздурмаз.
Тюзню ётмеги тюзде къалса да, тас болмаз.
Адамны аманы адамны бети бла ойнар.
Кёрмегеннге кебек – танг, битмегеннге сакъал – танг.
Окъугъан озар, окъумагъан тозар.

Логин:
Пароль:
	Запомнить меня на этом компьютере

Забыли свой пароль?
Регистрация