- Тамчы таш тешер.
- Арбаз сайлама да, хоншу сайла.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Орну джокъну – сыйы джокъ.
- Эл элде бирер малынг болгъандан эсе, бирер тенгинг болсун.
- Баргъанынга кёре болур келгенинг.
- Айран ичген – къутулду, джугъусун джалагъан – тутулду.
- Ойнай билмеген, оюн бузар.
- Нёгер болсанг, тенг бол, тенг болмасанг, кенг бол.
- Босагъа таш юйге кирмей эди, тыбыр таш эшикге чыкъмай эди.
- Къанны къан бла джуума, аманны аман бла къуума.
- Адамгъа аман кюн соруб келмейди.
- Кёпюр салгъан кеси ётер, уру къазгъан кеси кетер.
- Абынмазлыкъ аякъ джокъ, джангылмазлыкъ джаякъ джокъ.
- Баш – акъыл ючюн, акъылман – халкъ ючюн.
- Къазанда болса, чолпугъа чыгъар.
- Гугук кесини атын айтыб къычыргъанча, мен, мен деб нек тураса?
- Кёл – къызбай, къол – батыр.
- Олтуруб кёрюнмей эди да, ёрге туруб кёрюне эди.
- Акъдан къара болмаз.
- Тин – байлыгъынг, терен саулугъунг.
- Чабакъсыз кёлге къармакъ салгъанлыкъгъа, чабакъ тутмазса.
- Айыбны суу бла джууалмазса.
- Хаухну атма, ёнгкючню сатма.
- Тил – миллетни джаны.
- Джарлы джети элни сёзюн этер.
- Билим – акъылны чырагъы.
- Акъыл аздырмаз, билим тоздурмаз.
- Къралынгы – душмандан, башынгы от бла суудан сакъла.
- Чомарт бергенин айтмаз.
- Ханнга да келеди хариблик.
- Биреуге аманлыкъ этиб, кесинге игилик табмазса.
- Кюлме джашха – келир башха.
- Ачлыкъ отха секиртир.
- Къоркъакъны кёзю экили кёрюр.
- Аджалсыз ёлюм болмаз.
- Ишге юренсин къоллары, халкъ бла болсун джоллары.
- Иги адам абынса да, джангылмаз.
- Чакъырылмагъан къонакъ – орунсуз.
- Джыгъылгъанны сырты джерден тоймаз.
- Халкъны джырын джырласанг, халкъ санга эжиу этер.
- Сакъалы текени да бар, мыйыгъы киштикни да бар.
- Ойнаб айтсанг да, эслеб айт.
- Тойгъанлыкъ къойгъа джарашады.
- Хатерли къул болур.
- Чабакъгъа акъыл, табагъа тюшсе келеди.
- Ашхы атаны – джашы ашхы, ашхы ананы – къызы ашхы.
- Бир абыннган – минг сюрюнюр.
- Къаллай салам берсенг, аллай джууаб алырса.
- Тилчи тилден къаныкъмаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72