- Миллетни бойну – базыкъ, аны бла кюрешген – джазыкъ.
- Рысхысына кёре, джаш ёсер, къышлыгъына кёре, мал ёсер.
- Сютню башын джалагъан къутулур, тюбюн ичген тутулур.
- Эрни эр этерик да, къара джер этерик да, тиширыуду.
- Телиге акъыл салгъандан эсе, ёлгеннге джан салырса.
- Къызгъанчдан ычхыныр, мухардан ычхынмаз.
- Джумушакъ терекни къурт ашар.
- Къралынгы – душмандан, башынгы от бла суудан сакъла.
- Зарда марда джокъ.
- Шайтан алдады, тюзлюк къаргъады.
- Акъыллы эркиши атын махтар, акъылсыз эркиши къатынын махтар.
- Мени джылытмагъан кюн, меннге тиймесин!
- Ишлемеген – тишлемез.
- Бетинги сатма, малынгы сат.
- Къуру гыбыт бек дыгъырдар.
- Акъыллы – эл иеси, тели – эл баласы.
- Ач да бол, токъ да бол – намысынга бек бол.
- Джыйырма къойну юч джыйырма эбзе кюте эди.
- Айраннга суу къош, телиге джол бош.
- Ашхы атаны – джашы ашхы, ашхы ананы – къызы ашхы.
- Эл тойса, тоймагъан, эл къойса, къоймагъан.
- Джюрек кёзден алгъа кёрюр.
- Кюн – узун, ёмюр – къысха.
- Окъдан джара эртде-кеч болса да бителир, сёз джара, ёмюрге къалыр.
- Айтханы чапыракъдан ётмеген.
- Этни бети бла шорпасы.
- Ишлерге уял да, ашаргъа табма.
- Татлы тилде – сёз ариу, чемер къолда – иш ариу.
- Къызын тута билмеген, тул этер, джашын тута билмеген, къул этер.
- Адам туугъан джеринде, ит тойгъан джеринде.
- Бёрю да ач къалмасын, эчки да ашалмасын.
- Уруну арты – къуру.
- Башы ишлегенни, ауузу да ишлер.
- Келлик заман – къартлыкъ келтирир, кетген заман – джашлыкъ ёлтюрюр.
- Башынга джетмегенни сорма.
- Адеб джокъда, намыс джокъ.
- Иги сёз – джаннга азыкъ, аман сёз башха – къазыкъ.
- Арба аугъандан сора, джол кёргюзтюучю кёб болур.
- Окъугъан – асыу, окъумагъан – джарсыу.
- Билмейме деген – бир сёз
- Ичимден чыкъды хата, къайры барайым сата?
- Байлыкъ келсе, акъыл кетер.
- Ач уят къоймаз.
- Гырджын – тепсини тамадасы.
- Акъыл аздырмаз, билим тоздурмаз.
- Ариу сёзде ауруу джокъ.
- Ишлегенден, къарагъан уста.
- Иги – алгъыш этер, аман – къаргъыш этер.
- Къаллай салам берсенг, аллай джууаб алырса.
- «Ёгюз, джаргъа джууукъ барма, меннге джюк боллукъса», - дегенди эшек.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72