- Келинни – келгинчи, бёркню кийгинчи кёр.
- Ётюрюкню башын керти кесер.
- Тёрени джагъы джокъ.
- Тойгъандан сора, ашны сёкме.
- Дууулдаса – бал чибин, къонса – къара чибин.
- Уллу сёлешме да, уллу къаб.
- Иги адамны бир сёзю эки болмаз.
- Татлы сёз – балдан татлы.
- Джахил болса анасы, не билликди баласы?
- Аман киши кеси юйюнде – къонакъ.
- Керек ташны ауурлугъу джокъ.
- Уллу сёзде уят джокъ.
- Билими азны – ауузунда кирит.
- Ишлегенде эринме, ишде чолакъ кёрюнме.
- Ашха уста, юйюнде болсун
- Ач уят къоймаз.
- Эки къатын алгъан – эки ташны ортасына башын салгъан.
- Эл бла кёргенинг эрелей.
- Джашынгы кесинг юретмесенг, джашау юретир.
- Ишге юренсин къоллары, халкъ бла болсун джоллары.
- Иги – алгъыш этер, аман – къаргъыш этер.
- Сакъалы текени да бар, мыйыгъы киштикни да бар.
- Ата – баланы уясы.
- Сагъышы джокъ – джукъучу, акъылы джокъ – къаугъачы.
- Къонакъ кёб келюучю юйню, къазаны отдан тюшмез.
- Тилчи тилден къаныкъмаз.
- Ауузу бла къуш тута айланады.
- Тюз сёз баргъан сууну тыяр.
- Сёз къанатсыз учар.
- Айырылгъанланы айю ашар, бёлюннгенлени бёрю ашар.
- Джаш болсун, къыз болсун, акъылы, саны тюз болсун.
- Къонагъынгы артмагъын алма да, алгъышын ал.
- Сакъламагъан затынга джолукъсанг, не бек къууанаса, не бек ачыйса.
- Окъугъанны бети джарыкъ.
- Мухарны эси – ашарыкъда.
- Ёксюзню къалачы уллу кёрюнюр.
- Аман хансны – урлугъу кёб.
- Рысхы – сют юсюнде кёмюк кибикди.
- Ата – билек, ана – джюрек!
- Биреуге аманлыкъ этиб, кесинге игилик табмазса.
- Ёзденликни кёбю ётюрюк.
- Тёрдеги кюлсе, эшикдеги ышарыр.
- Сыфатында болмагъаны, суратында болмаз.
- Ашлыкъ – бюртюкден, джюн – тюкден.
- Зар адамны насыбы болмаз.
- Чомарт джарлы болмаз.
- Чомартны къолу берекет.
- Эринчекни аурууу – кёб.
- Иги сёз – джаннга азыкъ, аман сёз башха – къазыкъ.
- Хата – гитчеден.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72