- Мухар, кеси тойса да, кёзю тоймаз.
- Магъанасыз сёз – тауушсуз сыбызгъы.
- Ашхылыкъ джерде джатмайды, аманлыкъ суугъа батмайды.
- Таукел къуру къалмаз.
- Юре билмеген ит, къонакъ келтирир.
- Олтуруб кёрюнмей эди да, ёрге туруб кёрюне эди.
- Аджалсыз ёлюм болмаз.
- Иши джокъну, сыйы джокъ.
- Сабий болмагъан джерде, мёлек болмаз.
- Киштикге къанат битсе, чыпчыкъ къалмаз эди.
- Ашхы – джыяр, аман – джояр.
- Кийиминг бла танылма, адамлыкъ бла таныл.
- Кёлю джокъну – джолу джокъ.
- Алтыннга тот къонмаз.
- Къызгъанчдан ычхыныр, мухардан ычхынмаз.
- Элни кючю – эмеген.
- Бичгенде ашыкъма, тикгенде ашыкъ.
- Айыбны суу бла джууалмазса.
- Суу ичген шауданынга тюкюрме.
- Адам сёзге тынгыла, акъыл сёзню ангыла.
- Татлы тилде – сёз ариу, чемер къолда – иш ариу.
- Джашынгы кесинг юретмесенг, джашау юретир.
- Кютгени беш эчки, сызгъыргъаны уа, джерни джарады.
- Элге къуллукъ этмеген, элге ие болмаз.
- Къыз тиширыу кеси юйюнде да къонакъды.
- Чыбыкълыкъда бюгюлмеген, къазыкълыкъда бюгюлмей эди.
- Джылар джаш, атасыны сакъалы бла ойнар.
- Окъумагъан сокъурду, сокъур ташха абыныр!
- Джашлыкъ этмеген, башлыкъ этмез.
- Телиге акъыл салгъандан эсе, ёлгеннге джан салырса.
- Чабакъ башындан чирийди.
- Къолунгдан къуймакъ ашатсанг да, атаны борчундан къутулмазса.
- Эли джокъну – кёлю джокъ.
- Аманнга да, игиге да оноусуз къатышма.
- Тура эдим джата, къайдан чыкъды хата?
- Биреуню эскиси биреуге джангы болмайды.
- Хантына кёре тузу, юйюне кёре къызы.
- Байлыкъ болгъан джерде, тынчлыкъ джокъду.
- Къарнынг къанлынга кийирир.
- Ишленмеген джаш – джюгенсиз ат, ишленмеген къыз – тузсуз хант.
- Босагъа таш юйге кирмей эди, тыбыр таш эшикге чыкъмай эди.
- Болджал ишни бёрю ашар.
- Арбаз къынгырды да, ийнек сауалмайма.
- Эски джаугъа ышанма.
- Адеб этмеген, адеб кёрмез.
- Эл тойса, тоймагъан, эл къойса, къоймагъан.
- Суу да къайтады чыкъгъан джерине.
- Ариу сёз – джаннга азыкъ, аман сёз – башха къазыкъ.
- Таш бла ургъанны, аш бла ур.
- Эринчекни аурууу – кёб.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72