- Ариу сёз – къылычдан джити.
- Чомартха хар кюн да байрамды.
- Ойнаб айтсанг да, эслеб айт.
- Ётген ёмюр – акъгъан суу.
- Чомартха Тейри да борчлуду.
- Ойнай-ойнай кёз чыгъар.
- Къатыны харакетли болса, эри къымсыз болур.
- Башы ишлегенни, ауузу да ишлер.
- Чомартны къолун джокълукъ байлар.
- Таш ата билмеген, башына урур.
- Тойну къарнашы – харс, джырны къарнашы – эжиу.
- Кёзю сокъурдан – къоркъма, кёлю сокъурдан – къоркъ.
- Биреу ашаб къутулур, биреу джалаб тутулур.
- Айныгъанлы алты кюн, тогъайгъанлы тогъуз кюн.
- Къаллай салам берсенг, аллай джууаб алырса.
- Кенгеш болса, уруш болмаз.
- Хата – гитчеден.
- Кюл тюбюндеги от кёрюнмейди.
- Аш хазыр болса, иш харам болур.
- Ашхы болсанг, атынг чыгъар, аман болсанг, джанынг чыгъар.
- Уллу сёзде уят джокъ.
- Ачлыкъда тары гырджын халыуадан татлы.
- Байлыкъ адамны сокъур этер.
- Биреуню къыйынлыгъы бла кесинге джол ишлеме.
- От этилмеген джерден тютюн чыкъмайды.
- Бичгенде ашыкъма, тикгенде ашыкъ.
- Бети бедерден, намыс сакълама.
- Ариу сёз джыланны орнундан чыгъарыр.
- Акъыл сабырлыкъ берир.
- Чабакъ башындан чирийди.
- Ашарыкъда сайлагъаннга – чий гырджын.
- Хар зат кесини орнуна иги.
- Къызын тута билмеген, тул этер, джашын тута билмеген, къул этер.
- Бал – татлы, балдан да бала – татлы.
- Сютню башын джалагъан къутулур, тюбюн ичген тутулур.
- Игини сыйлагъан адетди.
- Адеб этмеген, адеб кёрмез.
- Билген билмегенни юретген адетди.
- Билимден уллу байлыкъ джокъду.
- Джерни букъусу кёкге къонмаз.
- Эки къатын алгъан – эки ташны ортасына башын салгъан.
- Шапа кёб болса, аш татымсыз болур.
- Къазанны башы ачыкъ болса, итге уят керекди.
- Къарын къуру болса, джюрек уру болур.
- Тешигини къатында, чычхан да батыр болур.
- Орну джокъну – сыйы джокъ.
- Тёрени джагъы джокъ.
- Ишленмеген джаш – джюгенсиз ат, ишленмеген къыз – тузсуз хант.
- Тойчу джашха къарама, къойчу джашха къара.
- Кёб ант этген, кёб ётюрюк айтыр.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72