- Джолда аягъынга сакъ бол, ушакъда тилинге сакъ бол.
- Ариу сёз – къылычдан джити.
- Агъач халкъгъа алтынды, иссиликге салкъынды.
- Таш бла ургъанны, аш бла ур.
- Игиге айтсанг – билир, аманнга айтсанг – кюлюр.
- Уллу сёзде уят джокъ.
- Уллу атлама – абынырса, уллу къабма – къарылырса.
- Джылкъыдан – ат чыгъар, тукъумдан – джаш чыгъар.
- Ётюрюкден тюбю джокъ, кёлтюрюрге джиби джокъ.
- Ашхы болсанг, атынг чыгъар, аман болсанг, джанынг чыгъар.
- Билген билмегенни юретген адетди.
- Кёбню кёрген – кёб билир.
- Дуния малгъа сатылма, кесингден телиге къатылма.
- Ишни аллы бла къууанма да, арты бла къууан.
- Татлы тилде – сёз ариу, чемер къолда – иш ариу.
- Тюзню ётмеги тюзде къалса да, тас болмаз.
- Аман къатын алгъан, арыр, иги къатын алгъан джарыр.
- Ойнай билмеген, оюн бузар.
- Ойнаб айтсанг да, эслеб айт.
- Бозанг болмагъан джерге, къалагъынгы сукъма.
- Билимсиз иш бармаз.
- Аджашханны ызындагъы кёреди, джангылгъанны джанындагъы биледи.
- Кёзюнде тереги болгъан, чёбю болгъаннга кюле эди.
- Огъурлуну сёзю – суу, огъурсузну сёзю – уу.
- Къарт айтханны этмеген, къартаймаз.
- Ойнай билмеген, уруб къачар.
- Акъыллы эркиши атын махтар, акъылсыз эркиши къатынын махтар.
- Суу ичген шауданынга тюкюрме.
- Кечеси – аяз, кюню – къыш, джарлы къаргъагъа бир аш тюш!
- Сыфатында болмагъаны, суратында болмаз.
- Сютден ауузу кюйген, суугъа юфгюре эди.
- Кёб ант этген, кёб ётюрюк айтыр.
- Эри аманны, къатыны – аман.
- Къонакъ аман болса, къонакъбай джунчур
- Къартха ушагъан джаш – акъыллы, джашха ушагъан къарт – тели.
- Тюзлюк шохлукъну бегитир.
- Ауругъаннга – кийик саулукъ, джетген къызгъа – чилле джаулукъ.
- Кёзню ачылгъаны – иги, ауузну джабылгъаны – иги.
- Къууут – джелге, берне – бошха.
- Ариу сёзде ауруу джокъ.
- Артына баргъанны, къатына барма.
- Тойгъан джерден туугъан джер игиди.
- Ашхылыкъ джерде джатмайды, аманлыкъ суугъа батмайды.
- Аманнга алтын чыдамаз.
- Къралынгы – душмандан, башынгы от бла суудан сакъла.
- Къайгъы тюбю – тенгиз.
- Джарлыны тону джаз битер.
- Ёлмесенг да, къарт дамы болмазса?
- Эм ашхы къайын ана мамукъ бла башынгы тешер.
- Юреннген ауруу къалмаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72