Эльбрусоид :: Форум :: Архив форумов

Къонакъ аман болса, къонакъбай джунчур
Ишни аллы бла къууанма да, арты бла къууан.
Сабыр джетер муратха, сабырсыз къалыр уятха.
Ётюрюкден тюбю джокъ, кёлтюрюрге джиби джокъ.
Керти сёзге тёре джокъ.
Ёлген эшек бёрюден къоркъмайды.
Ойнай билмеген, уруб къачар.
Джюрек кёзден алгъа кёрюр.
Ойнай билмеген, оюн бузар.
Ойнай-ойнай кёз чыгъар.
Ойнаб айтсанг да, эслеб айт.
Илму – джашауну джолу.
Огъурлуну сёзю – суу, огъурсузну сёзю – уу.
Тилчи бир сагъатха айлыкъ хата этер.
Мадар болса, къадар болур.
Болджал ишни бёрю ашар.
Джукъу тёшек сайламайды.
Окъ къызбайны джокълайды.
Ишленмеклик адамлыкъды.
Ач да бол, токъ да бол – намысынга бек бол.
Сакъалы текени да бар, мыйыгъы киштикни да бар.
Алтыда кюлмеген, алтмышда кюлмез.
Чабакъ башындан чирийди.
Аман адамны тепсинге олтуртсанг, къызынгы тилер.
Тюзлюк шохлукъну бегитир.
Билим насыб берир, билим джолну керир.
Терслик кетер, тюзлюк джетер.
Нарт сёз – тилни бети.
Ач къалгъандан, кеч къалгъан къолай.
Башланнган иш битер, къымылдагъан тиш тюшер.
Эки элинги тыйсанг, джети элде махталырса.
Борчунг бар эсе, хурджунунга ойлаб узал.
Экеулен сёлеше тура эселе, орталарына барыб кирме.
Къайгъы тюбю – тенгиз.
Эркишиге тары кебек танг кёрюнюр.
Къонакъ болсанг, ийнакъ бол.
Джаз бир кюнню джатсанг, къыш талай кюнню абынырса.
Ишлемеген – тишлемез.
Келгинчи, къонакъ уялыр, келгенден сора, къонакъбай уялыр.
Абынмазлыкъ аякъ джокъ, джангылмазлыкъ джаякъ джокъ.
Чабар ат – джетген къыз.
Битмегеннге сакъал – танг.
Бал ашаргъа сюе эсенг, чибин ургъаннга тёз.
Ёпкелегенни ашы татлы болады.
Ким бла джюрюсенг, аны кёзю бла кёрюнюрсе.
Ата – баланы уясы.
Ашатыргъа иш – ашхы, ишлетирге аш – ашхы.
Чакъырылмагъан джерге барма, чакъырылгъан джерден къалма.
Ашда уялгъан – мухар, ишде уялгъан – хомух.
Кёз – сюйген джерде, къол – ауругъан джерде.

Логин:
Пароль:
	Запомнить меня на этом компьютере

Забыли свой пароль?
Регистрация