Эльбрусоид :: Форум :: Архив форумов

Кёб ашасанг, татыуу чыкъмаз, кёб сёлешсенг, магъанасы чыкъмаз.
Къобан да къуру да къобханлай турмайды, адам да къуру да патчахлай турмайды.
Кеси юйюмде мен да ханма.
Ариу сёз – джаннга азыкъ, аман сёз – башха къазыкъ.
Юйюнгден чыкъдынг – кюнюнгден чыкъдынг.
Мураты болгъанны джюрек тебюую башхады.
Бети бедерден, намыс сакълама.
Мени джылытмагъан кюн, меннге тиймесин!
Ичимден чыкъды хата, къайры барайым сата?
Айтхан – тынч, этген – къыйын.
Кимни – тили, тиши онглу, кимни – къолу, иши онглу.
Эр абынмай, эл танымаз.
Сакъламагъан затынга джолукъсанг, не бек къууанаса, не бек ачыйса.
Биреуге аманлыкъны тилеме да, кесинге ашхылыкъны тиле.
Джаханимни кёрмей, джандетге кёл салмазса.
Игиге айтсанг – билир, аманнга айтсанг – кюлюр.
Эр сокъур болсун, къатын тилсиз болсун.
Эл ауузу – элия.
Акъыллы башны – тили къысха.
Ашыкъгъан cуу, тенгизге джетмез.
Айтылгъан сёз ызына къайтмаз.
Игилик игилик бла сингдирилиучю затды.
Джаш къарыу бла кючлю, къарт акъыл бла кючлю.
Ишге юренсин къоллары, халкъ бла болсун джоллары.
Ауругъан – джашаудан умутчу.
Суугъа – таянма, джаугъа – ийнанма.
Рысхы – сют юсюнде кёмюк кибикди.
Ишлегенде эринме, ишде чолакъ кёрюнме.
Ата джурт – алтын бешик.
Ишлерге уял да, ашаргъа табма.
Хар адамгъа кеси миннген тау кибик.
Джюрекге ариу – кёзге да ариу.
Ата Джуртуму башы болмасам да, босагъасында ташы болайым.
Кюл тюбюндеги от кёрюнмейди.
Таш ата билмеген, башына урур.
Тёрде – темир таякълы, къаяда – чыпчыкъ аякълы.
Эки итни арасына сюек атма, эки адамны арасында сёз чыгъарма.
Уллу къашыкъ эрин джыртар.
Къонакъ болсанг, ийнакъ бол.
Чомарт джарлы болмаз.
Сёз къанатсыз учар.
Нарт сёз – тилни бети.
Бастасын ашагъан, хантусун да ичер.
Ана къойну – балагъа джандет.
Азыкълы ат арымаз, къатыны аман джарымаз.
Ата – билек, ана – джюрек!
Аманнга да, игиге да оноусуз къатышма.
Джылыгъа джылан илешир.
Кийимни бичсенг, кенг бич, тар этген къыйын тюлдю.
Ёнгкюч къууана барыр, джылай келир.

Логин:
Пароль:
	Запомнить меня на этом компьютере

Забыли свой пароль?
Регистрация